جمهور رئیس ایکینچی اورین باسری محمد سرور دانش بوگون ” افغانستان اساسی قانونی قبول قیلینگن‌لیگی نینگ ۱۷- ییلیگی) دن نشانلش احتفالده صحب قیلیب ایتیشیچه، اساسی قانون اولکه نینگ سیاسی نظامی و دموکراسی بقاسی دیر و اساسی قانون بولمه‌گن حالده، سونگی نیچه ییلده قولگه کیلگن یوتوق‌لر کوپینچه قیین‌چیلیک بیلن دوچ کیلیشی ممکن دیگن.
جناب دانش گه کوره، افغانستان اساسی قانونی ده ایریم قیین‌چیلیک‌لر بولگن و حاضرگی احتیاج‌لرگه جواب قیته‌ریشده قادر ایمس.
جمهور رئیس ایکینچی اورین باسری، اساسی قانون نینگ قطار ماده‌لریده‌گی قیین‌چیلیک‌لر اوچ قوه، اجرائیه، مقننه و قضائیه قوه‌لری آره‌سیده قیین‌چیلیک‌لر چیقرگنی اوستیده تأکید ایتیب و اساسی قانون قیته‌دن کوریب چیقیلیشی نی سوره‌گن.
گرچند جمهور رئیس ایکینچی اورین باسری گه کوره، اساسی قانون دولت مسؤل‌لری تامانیدن عملگه آشیریب تطبیق ایتیله‌دی، لیکن ارگ ایچیده بولگن کوپینچه دولت مسؤل‌لری اساسی قانون‌نی ایاق آستی قیله‌دیلر.
بویوک‌لر کینگشی نینگ اورین باسری محمد سالم ایزدیار گه کوره، اساسی قانون‌نی ایاق آستی قیلیش و عملگه آشیریشدن قاچیش، اساسی قانون برابریده‌گی اینگ بویوک قیین‌چیلیک‌لردن بولگن. جناب ایزدیار، ارگ و اساسی قانون عملگه آشیریلیش نی نظارت قیلوچی نهادلر، اساسی قانون نی ایاق آستی قیله‌دیگن لر لیستی نینگ بیرینچی خطی ده بولگنی اوستیده تاکید ایته‌دی.
باشقه بیرتاماندن هم اساسی قانون نی نظارت قیلیش بوییچه ایرکین کمیسیونی سرپرستی عبدالله شفایی نینگ ایتیشیچه، اساسی قانون حکومت تامانیدن عملگه آشیریلمس‌لیگیدن جدی صورتده تنقید ایتیب، حکومت اساسی قانون دن حمایت قیلمس‌لیگی، جمهوریت نظامی گه ضرر ییتکیزه‌دی.
جناب شفایی گه کوره ، اساسی قانون‌نی نظارت قیلیش بوییچه ایرکین کمیسیونی، صلاحیتی بولمه گن مصلحت بیریش نهادی گه اوزگرگن.
انه شوحالده اوشبو احتفال ده سوز یوریتگن باشقه قطار کیشی‌لر، اساسی قانون محکمه‌سی توزلیشی‌نی سوره‌گن‌لر. اوشبو شخص‌لرگه کوره موجود بولگن قانون‌لر اولکه اساسی قانونی بیلن بیر تور می یاده بیر تور ایمس.
