غور، غزنی، پنجشیر و بلخ ولایت‌لریده بوگون (سه‌شنبه، ۲۵-ثور)، کتاب هفته‌سی مناسبتی و ییگیت‌لر آره‌سیده کتاب اوقیش فرهنگی رواجلنیشی مقصد، «کتاب هفته‌سی و کتاب اوقیش» اسمی آستیده بیر کورگزمه یولگه قوییلگن.
اوشبو ولایت‌لرده مسئوللر نینگ ایتیشلریچه، مذکور نیچه کون‌لیک کورگزمه‌لرده فرهنگ، ادبیات، تاریخ، اقتصاد، اجتماع، دین و سیاست بولیم‌لریده مینگ‌لب جلد کتاب نمایش گه قوییلگن.
بلخ معلومات و مدنیت ریاستی نینگ معلومات آمری عطامحمد ساهو نینگ ایتیشیچه، مذکور کورگزمه‌ده ۳۰ مینگ‌دن آرتیق کتاب نمایش گه قوییلگن.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «کتاب اوقیش نینگ اهالی آره‌سیده رواجلنیشی اوچون سعی‌وحرکت قیلماقده‌میز. چونکه کتاب اوقیش هر مملکت نینگ ترقیاتی اوچون دیر.»
غور معلومات و مدنیت باشلیغی عبدالحی زعیم نینگ ایتیشیچه:«بوگون غور ولایتی‌ده کتاب ساتووچیلر و عامه کتاب‌خانه همکارلیگی بیلن معلومات و مدنیت ریاستی بویوک بیر کتاب کورگزمه‌سی نی یولگه قوییگن. اوشبو کورگزمه‌ده دینی و زمانه‌وی علم‌لر خصوصیده‌گی کتاب‌لر بار و برچه وطن‌داشلریمیز مذکور کتاب‌لردن قوللنه آله‌دیلر.»
پنجشیر معلومات و مدنیت باشلیغی نصرالله ملک‌زاده نینگ ایتیشیچه، اوشبو کورگزمه‌لر نینگ یولگه قوییلیشی، ییگیت‌لر نینگ کتاب اوقیش گه بولگن اشتیاقلرینی آشیریشی ممکن.
اونینگ کوپه‌یتیریشیچه: «کتاب اوقیش گه ییگیت‌لر نی تشویق قیلیش و شونینگدیک خلق‌ارا کتاب هفته‌سی مناسبتی بیلن پنجشیر ولایتی مرکزی‌ده بویوک بیر کورگزمه یولگه قوییلگن که ایکی کون‌گچه مینگلرچه کتاب نینگ نمایش گه قوییلیشی ممکن.»
شونده‌ی بیرحالده، مذکور کورگزمه‌لر گه شرکت قیلگنلردن قطاری نینگ ایتیشلریچه، کتاب کورگزمه‌لری نینگ یولگه قوییلیشی، کتاب اوقیش فرهنگی رواجلنیشی و کتاب اوقیش گه ییگیت‌لر نینگ تشویق قیلیش اوچون یخشی بیر فرصت یره‌ته‌دی.
غور یشاوچیسی محمد احمدی نینگ ایتیشیچه: «شرکت قیلووچی صفتیده بو کبی برنامه‌لر نینگ یولگه قوییلیشی‌دن حمایت قیله‌میز. ان‌شاءالله بو فرهنگ رواجلنسین که ییگیت‌لریمیز کتاب اوقیسینلر. کتاب بیلن رواجلنیش، ترقیات و یخشی فکرلر گه ایگه بوله آله‌میز.»
بیزلرنینگ فیسبوک صحیفه‌میزگه باش اورینگ!
شونینگدیک بلخ ولایتی یشاوچیسی سیرت اکبری نینگ ایتیشیچه: «کتاب و قرآن‌کرین کورگزمه‌سی نینگ یولگه قوییلیشی، اساسی بیر نیاز دیر؛ چونکه ییگیت‌لر کتاب اوقیش اورنیده انترنت و اجتماعی ترماق‌لر گه مصروفلر.»
ایتیش کیره‌ک که، اوتگن ایکی ییل‌ده یشاوچیلر آره‌سیده کتاب اوقیش فرهنگی رواجلنیشی و ییگیت‌لر نینگ کتاب اوقیش گه تشویق قیلیش مقصد، کابل و بیر قطار ولایت‌لرده کیچیک و بویوک کورگزمه‌لر یولگه قوییلگن.
