ایران مذهبی رهبری سیدعلی خامنهای، اوشبو مملکتدهگی ناراضیلیک نمایشلر دوام ایتیشی طفیلی مسکو گه قاچیش اوچون حاضرلیک کورماقده.
بریتانیا تایمز کوندهلیگی، بوگون (۱۵-جدی/۵-جنوری، دوشنبه) منبعلریگه تیهنیب بو حقده خبر بیرگن.
معلوماتلر گه کوره، اگر ایران خوفسیزلیک کوچلری ناراضیلیک نمایشلرینی نظارت آستیگه آلالمسه یا کی بویروقلر گه بویسونیشدن باش تارتسه، خامنهای یقین عایله اعضالری و یوقاری لوازملی یاردمچیلریدن عبارت کیچیک گروه بیلن مملکتدن چیقیب کیتیش گه حاضرلیک کورماقده.
معلوماتلر اساسیده، ۸۶ یاشر سیدعلی خامنهای تخمیناً ۲۰ نفرگچه بولگن کیشیلر بیلن جملهدن، اونینگ احتمالی وارثی صفتیده تیلگه آلینهیاتگن اوغلی مجتبی خامنهای، ایراندن قاچیشلری ممکن.
بو ریجه، حربی کوچلر یا کی خوفسیزلیک توزیلمهلرنینگ نظارتنی یوقاتیش حالتیده ایشگه توشیریلیشی کوزده توتیلگن.
معلوماتلر گه کوره، ایران مذهبی رهبری و قرینداشلری روسیه پاسپورتینی آلگنلر و اولرنینگ مسکو گه انتقال بیریش اوچون اوچاق تیارلنگن.
ریال قیمتی خارجی پوللر گه نسبتن اینگ پس توشگنی گه قرشی، نیچه کون آلدین ایران پایتختی تهراندن باشلنگن ناراضیلیک نمایشلر، بو مملکتنینگ ۴۰ دن آرتیق شهریگه کینگهیگن بیرحالده، بوندهی قرار قبول قیلینگن.
