افغانستان تینچلیک جریانی بوییچه آمریکا خاص نماینده‌سی زلمی خلیلزاد، ملی مصالحه کینگشی باشلیغی عبدالله عبدالله بیلن اوچره‌شگن.
بوگون “دوشنبه” ملی مصالحه کینگشی نینگ بیر خبرنامه آرقه‌لی اعلان قیلیشیچه، اوشبو اوچره‌شووده جناب عبدالله و خلیلزاد تینچلیک سوزلشوولر جریانی و آمریکا ینگی دولتی نینگ تینچلیک کیلیشوونامه‌نی تیکشیریلیشی خصوصیده بحث قیلگنلر.
خبرنامه‌ده ایتیلیشیچه، اوشبو اوچره‌شووده ایکی تامان تینچلیک جریانی سرعت تاپیشی، دوحه‌ده افغانستان‌لیکلرارا سوزلشوولر ایکینچی دوری، زوروانلیکلر کمه‌یتیریلیشی و افغانستانده دایمی تینچلیک‌که قول تاپیش خصوصیده صحبت اوتکزگن‌لر.
اوشبو اوچره‌شووده ملی مصالحه کینگشی نینگ اورین باسرلری و بیرقطار اعضالری حضور تاپگنلر.
بوندن آلدین آمریکا تشقی ایشلر وزیرلیگی، افغانستان تینچلیک جریانی بوییچه آمریکا خاص نماینده‌سی زلمی خلیلزاد نینگ کابل، دوحه و منطقه‌ده‌گی ینگی سفری باشلنگنیدن خبر بیرگن ایدی.
