کاپیسا امنیه قوماندان‌لیگی نینگ ایتیشیچه، اوشبو ولایت نینگ حصه‌ی دوم کوهستان تومنیده بیر کیشی، آو قورالینی آتیش بیلن حیاتی گه نقطه قویگن.
بوگون (چهارشنبه، ۲۷ میزان) کاپیسا امنیه قوماندان‌لیگی سوزلاوچیسی عبدالفتاح فائز نینگ سلام‌وطندار گه ایتیشیچه، بوگون بامداد چاغی، مذکور ولایت نینگ حصه‌ی دوم کوهستان تومنی «کیشکتان» قیشلاغیده بیر کیشی، «چره‌ای» رسوملی آو قورالینی آتیش بیلن اوزینی اولدیرگن.
بیزلرنینگ فیسبوک صحیفه‌میزگه باش اورینگ!
شیرین‌آغا اسملی مذکور کیشی قریب ۳۰ یاشر ایکن.
جناب فائز گه کوره، حادثه قنده‌لیگینی انیقلش اوچون تدقیقات باشلنگن.
ایتیش کیره‌ک که، سونگی آی‌لرده افغانستان نینگ تورلی ولایت‌لریده اوز جانیگه قصد قیلیش واقعه‌لری کوپه‌یگن.
بیزلرنینگ توییترده هم تعقیب قیلینگ!
اوشبو هفته دوشنبه کونی ۲۵ میزان، فاریاب ده ۱۲ یاشر بیر باله، اوزینی دار گه آسیب حیاتی گه نقطه قویگن ایدی.
افغانستان بویلب ایش‌سیزلیک، قشاق‌لیک و عایله‌وی زوروانلیک، اوز جانیگه قصد قیلیش عامل‌لریدن دییلگن.
