کاپیسا امنیه قوماندان‌لیگی نینگ سوزلاوچیسی عبدالفتاح فائز اوشبو خبرنی تصدیقلب سلام‌وطندار گه ایتیشیچه، اوشبو ولایتده البیرونی بیلیم یورتی طلبه‌لری بولگن «مرسدس» رسوملی بیر موتر چپه بولیشی نتیجه‌سیده ۱ طلبه هلاک وباشقه ۱۳ طلبه یره‌لنگنلر. طلبه‌لردن ۸ تهسی قیزلر و باشقه ۶ تهسی ییگیت‌لر دیر.
بیزلرنینگ فیسبوک صحیفه‌میزگه باش اورینگ!
جناب فائز نینگ ایتیشیچه، مذکور موتر البیرونی بیلیم یورتی طلبه‌لرینی کابل دن کاپیسا انتقال بیریش چاغیده بوگون (سه‌شنبه، ۲۸ سرطان)، توش ده ساعت ۱۲:۳۰ اطرافیده البیرونی بیلیم یورتی نینگ نیچه کیلومترلیگی، کاپیسا ولایتی نینگ حصه اول تومنی حدودلری ده یول دن چیقیب چپه بولگن.
کاپیسا امنیه قوماندان‌لیگی سوزلاوچیسی نینگ کوپه‌یتیریشیچه، موتر ده ۱۲طلبه بار ایکن و واقعه پیتیده یول چیکه سیده‌گی ۲ طلبه‌نی اوریب یره‌لنتیرگن. اونگه کوره، مذکور واقعه طفیلی یره‌دارلردن قطاری پنجشیر ایمر جنسی کسلخانه‌سی و باشقه بیر قطاری کابل و کاپیسا کسلخانه‌لری گه انتقال بیریلگن.
بیزلرنینگ توییترده هم تعقیب قیلینگ!
عبدالفتاح فائز گه کوره، دایکندی ولایتی خدیر تومنی یشاوچیسی «حیدر» نینگ فرزندی «محمدظاهر» اسملی هلاک بولگن ییگیت، البیرونی بیلیم یورتی نینگ تیل و ادبیات فاکولته‌سی طلبه‌سی ایکن. حادثه سببی هیداوچی نینگ دقت‌سیزلیگی عنون قیلینگن.
