کاپیسا امنیه قوماندان‌لیگی مسئوللری، اوشبو ولایت نینگ مرکزی حدودلریده «بلال» اسملی بیش یاشلی بیر باله، نامعلوم کیشی‌لر تامانیدن اولدیریلیشیدن خبر بیره‌دیلر.
کاپیسا امنیه قوماندان‌لیگی سوزلاوچیسی عبدالفتاح فائز نینگ سلام‌وطندار گه ایتیشیچه، نامعلو کیشی‌لر مذکور باله‌نی چهارشنبه کونی، ۹ حمل، عصر چاغی اوشبو ولایت نینگ مرکزی حدودلری گه قره‌شلی «قصابان» قیشلاغی ده، اوی‌لری یقینیدن اوغیرله‌گن ایدیلر.
بیزلرنینگ فیسبوک صحیفه‌میزگه باش اورینگ!
جناب فائز گه کوره، مذکور باله نینگ کویگن جسدی، جمعه کونی، ۱۱ حمل، توش دن کیین ساعت ۲:۳۰ اطرافی ده، کاپیسا مرکزی حدودلری گه قره‌شلی «کاکری» منطقه‌سیدن تاپیلگن.
کاپیسا امنیه قوماندان‌لیگی سوزلاوچیسی نینگ کوپه‌یتیریشیچه، اسلام امیرلیگی کوچلری واقعه عاملینی قولگه آلیش مقصدیده تیکشیریش‌لرینی باشلشگن.
عین‌حالده، اولدیریلگن باله نینگ آته‌سی محمود نینگ سلام‌وطندار گه ایتیشیچه، او غریب‌کار بیر کیشی دیر و هیچ کیم بیلن شخصی دشمن‌لیگی یوق.
بیزلرنینگ توییترده هم تعقیب قیلینگ!
او نینگ کوپه‌یتیریشیچه، اوغلی اوغیرلنگندن کیین موضوع‌نی پولیس بیلن شریک قیلیب و اوزی هم باله‌سینی قیدیرگن؛ بیراق اونی تاپه آلمه‌گن و نهایت کویگن جسدی «کاکری» منطقه‌سیده بیر بوجی ده سوو ایچیدن تاپیلگن.
ایتیش کیره‌ک که، سونگی کون‌لرده مملکت نینگ تورلی ولایت‌لریده نامعلوم و ریجه‌لشتیریلگن واقعه‌لر کوپه‌یب و یشاوچیلرنی خواطری گه سبب بولگن.
