کاپیسا محلی مسئوللری نینگ ایتیشلریچه، اوشبو ولایت مرکزی‌ده ییرلشگن «شوخی» قیشلاغیده سوو تاشقینی عاقبتیده، اهالی گه کوپینچه مالی زیان ییتیشگن.
کاپیسا امنیه قوماندانلیگی سوزلاوچیسی عبدالفتاح فائز نینگ سلام‌وطندار گه ایتیشیچه، بوگون (چهارشنبه، ۷-سرطان) ایرتنگ چاغی ساعت ۰۳:۳۰ اطرافیده، اوشبو ولایت مرکزی نینگ اوچینچی خوفسیزلیک حوزه حدودلریده ییرلشگن «شوخی» قیشلاغیده، قریب ۱۰ کیلومتر سرک، اونلب یشش اوی، اونلب باش چاروه و یوزلب جریب ایکینچی‌لیک ییر سوو تاشقینی آستیده قالگن دیر.
بیزلرنینگ توییترده هم تعقیب قیلینگ!
فائز نینگ کوپه‌یتیریشیچه، سوو تاشقینی یوز بیرگنی‌دن کیین، عمومی سرک‌لر نیچه ساعت‌لیک اوتیب-قیتیش یوزی گه یاپیلگن ایکن که، محلی مسئوللر نینگ سعی و حرکتی نتیجه‌سیده، مؤقتی شکلده آچیلگن.
سوو تاشقین‌لردن زیان کورگن محل یشاوچیلر، اسلام امیر‌لیگی و یاردم بیرووچی نهاد‌لردن، یاردم بیریلیشی نی ایسته‌گنلر.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، اوتگن سه‌شنبه کونی، ۶-سرطان، پروان ولایتی کوه‌صافی تومنی‌ده سوو تاشقینی عاقبتیده، اهالی گه کوپینچه مالی زیان ییتیشگن.
اوتگن کون کیچ قورون کوه‌صافی ولسوالی عبدالمتین نینگ سلام‌وطندار گه ایتیشیچه، مذکور کون توش‌دن کیین، ساعت ۰۳:۰۰ اطرافیده، کوه‌صافی تومنی‌ده سوو تاشقینی نتیجه‌سیده، ۱۶۵ یشش اوی قسماً ویران بولگن.
اونگه کوره، اوشبو سوو تاشقینی عاقبتیده، ۳۰۵ چاروه تلف، ۶۰۰ جریب ییر ویران و ۵۰۰ میوه‌لی و میوه‌سیز کوچت اورته‌دن کیتگن دیر.
پروان ولایتی نینگ کوه‌صافی ولسوالی، حکومت و خلق‌ارا تشکیلات‌لردن، زیان کورگن کیشی‌لر گه یاردم بیریلیشی نی ایسته‌گن.
کوه‌صافی، تاغلی و پروان نینگ بگرام تومنی بیلن چیگره‌داش بولگن تومن‌لریدن دیر که، آزراق رواجلنگن.
ایتیش کیره‌ک که، اوتگن کون پکتیکا ده سوو تاشقینی نتیجه‌سیده، ایکی کیشی اولیب و اوچ کیشی یره‌لنگن دیر.