افغانستان ده بیرلشگن ملت‌لر تشکیلاتی نینگ اورین باسرلیک هیئت دفتری (یوناما) بوگون ایرته‌لب (دوشنبه، ۱۱ میزان) اوز تویتری ده یازیشیچه، پایتخت کابل شهری نینگ غربی قسمیده جایلشگن کاج تعلیمی مرکزی گه اویوشتیریلگن هجوم تلفاتی آشگن.
یوناما گه کوره، مذکور حادثه طفیلی ۴۳ کیشی هلاک بولیب و باشقه ۸۳ کیشی یره‌لنگن.
بیزلرنینگ فیسبوک صحیفه‌میزگه باش اورینگ!
مذکور نهاد نینگ ایتیشیچه، اوشبو حادثه ده کوپراق قیزلر و عیاللر قربان بولگن. یوناما نینگ کوپه‌یتیریشیچه، مذکور خودکش هجوم تلفاتی آشیشی ممکن.
افغانستان ده بیرلشگن ملت‌لر تشکیلاتی نینگ اورین باسرلیک هیئت دفتری گه کوره، مذکور تشکیلات نینگ انسان حقلری تیم‌لری تامانیدن تیکشیریش جریانی، همان دوام ایتماقده دیر.
بیزلرنینگ توییترده هم تعقیب قیلینگ!
جمعه کون ایرته‌لب، ۸ میزان، ساعت ۷:۰۰ اطرافیده، کابل غربی کاج تعلیمی مرکزی گه خودکش هجوم اویوشتیریلدی. اوشبو هجوم ملی و خلق‌ارا مناسبت‌لر گه روپه‌ره بولگن.
مذکور هجوم مسئولیتینی حاضرگچه هیچ کیم یا گروه اوز زمه‌سیگه آلمه‌گن.
