خبرچی‌لرنی حمایت قیلووچی کمیته (CPJ)، اوتگن کونی چهارشنبه، ۲۳ قوس، ترقه‌تگن گزارشی ده افغانستان نی خبرچی‌لر اینگ کوپ حبس‌گه آلینگن مملکت‌لر رویخطیده قرار بیرگن.
اوشبو گزارش ده، اوتگن بیر ییل ده ایران ده ۶۲ خبرچی قولگه آلینیش بیلن اوشبو مملکت بیرینچی اورینگه قرار تاپگن.
مذکور نهاد اوز گزارشیده ایتیشیچه، ۲۰۲۲_ییل ده دنیا بویلب چمه‌سی ۳۶۳ خبرچی قولگه آلینگن بو رقم، سونگی ۳۰ ییل ده سابقه‌سیز دیر.
خبرچی‌لرنی حمایت قیلووچی کمیته نینگ گزارشی اساسیده، افغانستان ده حاضر اوچ خبرچی قماقده و اسلام امیرلیگی حاکمیت نی قولگه آلیشیدن بویان میدیالر فعالیتی اوستیگه باسیم‌لر کوچه‌یگن.
بیزلرنینگ فیسبوک صحیفه‌میزگه باش اورینگ!
بیراق معلومات و مدنیت وزیرلیگی مسئوللری، خبرچی‌لرنی حمایت قیلووچی کمیته نینگ بو ادعالرینی رد قیله‌دی.
معلومات و مدنیت وزیرلیگی نینگ نشرات ایشلری بوییچه معینی حیات‌الله مهاجر فراهی بوتوغریده سلام‌وطندار گه ایتیشیچه: «افغانستان خبرچی‌لر اوچون یخشی مملکت ایمس‌لیک، خبرچی‌لر قماققه آلینیشی و اولر گه چیکلاو یره‌تیلیش ادعالر ناتوغری دیر، بوتوغریده هیچ قنده‌ی مدرک و حجت یوق.»
اسلام امیرلیگی، افغانستانده هیچ خبرچی قماققه آلینمه‌گنینی ایتسه ده، لیکن اوتگن بیر ییل ده اسلام امیرلیگی تامانیدن نیچه مراتبه خبرچی حبس‌گه آلینیب و بیرقطاری هم بیر مدت قماققه تشلنگن.
خبرچی‌لر اوشبو احوال دن خواطر بیلدیریب ایتیشلریچه، مملکتده اوز باشیمچه‌لیک قولگه آلینیش‌لر میدیالر فعالیتی اوستیگه سلبی تأثیر قیلگن.
خبرچی‌لردن وحیده بیات نینگ ایتیشیچه: «حقیقتن هم بیز اوچون قورقینچ گه سبب بوله‌دی. ایش اوچون اوی دن چیققن حالده، بیرینچیدن هیچ کیم سوزلش اوچون تیارگرلیک کورستمه‌یدی و ایکینچیدن اوزیمیز و عایله‌میز دن قورقه‌میز. بعضی وقت‌لر موضوع‌لرنی نشر قیله آلمه‌یمیز.»
خبرچی‌لردن باشقه بیری ذبیح سروری گه کوره: «میدیالر گه چیکلاو یره‌تیلیشی، اولر نینگ فعالیتی اوستیگه سلبی تأثیر قیلیب و اخبارات جریانی گه زیان ییتکیزه‌دی.»
بیزلرنینگ توییترده هم تعقیب قیلینگ!
شو بیلن بیرگه، اسلام امیرلیگی معلومات و مدنیت وزیرلیگی تیزیمیده بیر ریاست شکلده، اخبارات گه قول تاپیش کمیسیون ایشگه باشله‌شیدن خبر بیره‌دی.
خبرچی‌لر و میدیالرنی حمایت قیلووچی نهادلر، اخبارت گه قول تاپیش کمیسیون ایشگه باشله‌شینی خوش قرشی‌لب، اوشبو کمیسیون ده مسلکی و ملَکه‌لی کیشی‌لر گه سهم بیریلیب و اوشبو نهاد آرقه‌لی اخبارات قول گه تاپیش اوچون عملی ایشلر بولیشینی سوره‌یدیلر.
