اسلام امیر‌لیگی نینگ قیته قدرت گه ایریشگنیدن کیین، افغانستان ده خبرچیلر معلومات گه قول تاپیش خصوصیده قیین‌چیلیک بیلن روپه‌ره بولگنلر و برچه پیت‌لرده نیازلری بولگن معلومات‌لر نی دولتی اداره‌لردن قولگه کیلتیره آلمه‌یدیلر.
بلخ ولایتی‌ده‌گی خبرچیلردن بیری احمد (مستعار اسم) نینگ ایتیشیچه، کون اوتیشی بیلن معلومات گه قول تایپش قیین بولماقده و بو پروسه شو رقم دوام تاپگنی صورت‌ده، خبرچیلردن کوپ قطاری خبرچی‌لیک فعالیت‌لریدن قول تارتیب و مملکت نی ترک قیلیش‌لری ممکن.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «برچه گه بیللی که مملکت‌ده ینگی حکومت نینگ قدرت گه ایریشگنیدن کیین، افغانستان ده خبرچی‌لیک و معلومات ییتکزیش ایشی اینیقسه بلخ‌ده کوپینچه قیین‌چیلیک بیلن روپه‌ره بولگن و شونینگدیک معلومات گه قول تاپیش حقی جدی بیر شکلده محدود بولگن. خبرچیلر بلخ محلی حکومتی تامانیدن یولگه قوییله‌دیگن برنامه‌لرده آزاد بیر شکلده اشتراک قیله آلمه‌یدیلر.»
شونده‌ی بیرحالده، بلخ ده خبرچیلردن باشقه بیری سیر‌محمد یزدان‌پرست نینگ ایتیشیچه، اوشبو ولایت دولتی مسئوللری، کوپینچه پیت‌ده رسانه‌لر بیلن ایکی تور مناسبت‌لری بار و برنامه‌لردن کوپینچه‌سی‌ده، گزارش بیریش اوچون خصوصی رسانه‌لر گه رخصت بیریلمه‌یدی.
اونینگ کوپه‌یتیریشچه: «بیرینچی سنبله رسانه‌لر تخطی کمیسیونی نینگ افتتاح بولیشی، رسانه‌لر گه یخیشی خبر ایدی؛ بیراق قیغو بیلن اوشبو کمیسیون نینگ رفتاری رسانه‌لر نینگ قیین‌چیلیک‌لری نی کوپه‌یتیردی. شونینگدیک رسانه‌لر بیلن ایکی تورلی رفتار بولیب و برچه برنامه‌لرده ملی و باختر خبری آژانسی مقدم تانیلگن که بو پروسه نورمال معلومات ییتکزیش نی سوال آستیده قرار بیریب و معلومات گه قول تاپیش حقی بیلن سوز ایرکین‌لیگی نی نابود قیله‌دی.»
بیراق بلخ معلومات و مدنیت ریاست رئیسی ذبیح‌الله نورانی نینگ ایتیشیچه، مذکور اداره برچه گه معلومات گه قول تاپیش نی فراهم قیلگن و برچه هر زمان نیازلری بولگن معلومات‌لر نی قول گه کیلتیره‌آله‌دیلر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «معلومات و مدنیت ریاست رئیسی، معلومات گه قول تاپیش زمینه‌سی نی مساعد قیلگن و بلخ‌ده ایشله‌یدیگن بوتون رسانه‌لر معلومات گه قول تاپه آله‌دیلر و شونینگدیک رسانه‌لر کیچه کوندوز بلخ ده‌گی برچه ملکی و حکومتی اداره‌لردن بوتون معلومات‌لری نی قولگه آلاله‌دیلر.»
شونده‌ی بیرحالده، اسلام امیر‌لیگی نینگ قدرت گه ایریشگنیدن کیین، معلومات گه قول تاپیش خصوصیده چیکلاو یره‌تیلگن و حکومتی سوزلاوچیلردن کوپینچه‌سی رسانه‌لر بیلن کیره‌کلی همکار‌لیکلری یوق.