جوزجان، مملکت شمالی ده‌گی ولایت‌لردن بیری بولیب اهالیسی نینگ اکثریتی دهقانچیلیک و چاروه‌چیلیک آرقه‌لی کون کیچیره‌دیلر. جوزجان دهقان‌لری موسومی یامغیر یاغمسلیگی و کیتمه_کیت قورغاقچیلیک، اوسیملیک آفت‌لر و هوا ایسیق‌لیگی، اوشبو ییل ده جوزجان دهقان‌لری گه زیان ییتکیزگن معمالردن دیر.
جوزجان‌لیک دهقان‌لردن بیرقطاری نینگ ایتیشلریچه، بیر تاماندن کیتمه_کیت قورغاقچیلیک و ایکینچیلیک سوولری یوق‌لیگی و باشقه تاماندن یاردم بیرووچی نهادلر و مسئول ارگان‌لر نینگ دقت‌سیزلیگی باعث اولر کوپ زیان کورگنلر.
جوزجان‌لیک دهقان‌لردن فضل‌محمد گه کوره، اوشبو ییل ده ۲۰ جریب دیمه ییر و ۵ جریب آبی ییر ده بوغدای ایککن ایدی، بیراق قورغاقچیلیک، موسومی یامغیر یاغمسلیگی و ایکینچیلیک سوولری ییتیشمسلیگی باعث کوپ زیان کورگن.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «بو ییل بوغدای هیچ حاصل بیرمه‌دی، الله گه امیدوار من، قرضیم بار پول نی سود گه آلگندیم دولت دن یاردم بیریشینی ایسته‌یمیز. اوشبو ییل بوغدای ایکینی اوچون ۲۰۰ و ۲۵۰ مینگ افغانی مصرف قیلگن من و حاصلی ۲۰ و ۳۰ مینگ افغانی بوله‌دی حتا ایشلاوچی حقینی تولدیرمه‌یدی.»
اونگه کوره، مسئول ارگان‌لر و نهادلر اصلاح ایتیلگن اوروغ‌لر و کودکیمیاوی نی بیر تور توزیع قیلمه‌ی و اولر نینگ یاردم‌لری، محتاج کیشی‌لر گه بیریلمه‌یدی.
او نینگ ایتیشیچه: «حاضرگچه هیچ کیم بیز گه یاردم بیرگن یوق، بو یاردم‌لر محتاج کیشی‌لر گه بیریلسه، اوشبو منطقه گه هیچ کیم یاردم بیریش اوچون کیلگن یوق دیر.»
جوزجان نینگ اون تومنیدن ییغیلگن معلومات اساسیده، اوشبو ییل ده دهقان‌لر مصرف قیلگن پول‌لرینی آلالمسلیککه علاوه کوپ مالی زیان کوریشگن.
جوزجان‌لیک دهقان‌لردن باشقه بیری عبدالقیوم گه کوره، قورغاقچیلیک طفیلی هر ییل اوتیشی بیلن دهقانچیلیک ایشلری قیینلشیب و اولر نینگ آغیر مالی زیان کوریش‌لری گه سبب بولگن.
۱۲ جریب دیمه ییرده بوغدای ایککن عبدالقیوم، حاضرگی احوال‌لریدن خواطر بیلدیریب ایتیشیچه، بوغدای ایکین‌لری حاصلی صفر و دهقان‌لر بوغدای ایکین‌لرینی حیوان‌لر اوتلاقی گه ایلنتیرگن.
اونگه کوره: «هر ییلی بیر آز یخشی ایدی، لیکن بو ییل برچه بوغدای ایکینی قورقیب قالگن، مردکارچیلیک بیر کون تاپیلسه باشقه کون تاپیلمه‌یدی، قورغاقچیلیک باعث بوغدای ایکینی قوریب قالگن، افغانستان نینگ کوپ سانده یشاوچیسی ایکینچیلیک و چاروه‌چیلیک بیلن شغللنه‌دی.»
جوزجان ایکینچیلیک، سوغاریش و چاروه‌چیلیک ریاستی مسئوللری، اوشبو ییل قورغاقچیلیک، موسومی یامغیر یاغمسلیگی طفیلی بوغدای ایکین‌لری قوریب و دهقان‌لر کوپ زیان کورگنینی تصدیقله‌یدیلر.
بیزلرنینگ توییترده هم تعقیب قیلینگ!
مذکور ریاست مسئوللری گه کوره، اوشبو ییل ده جوزجان ده‌گی دهقان‌لر ۷۰ فایز زیان کورگن؛ خواطرلی دیر.
جوزجان ایکینیچلیک، سوغاریش و چاروه‌چیلیک باشلیغی عبادالله انصار نینگ ایتیشیچه، بو ییل اوشبو ولایت ده ۶۰ مینگ هکتار آبی ییر و ۲۸ مینگ هکتار دیمه ییر ده بوغدای ایکیلگن.
او نینگ کوپه‌یتیریشیچه: «دیمه و آبی ییرلرنی یقیندن باریب تیکشیردیم، دهقان‌لر نینگ تخمیناً ۷۰ فایز ایکینی یوق بولگن و یشاوچیلر زیان کورگنلر.»
اقتصادی ایش بیلرمان‌لر، مملکت نینگ قطار ولایت‌لریده قورغاقچیلیک باعث دهقانچیلیک احوالنی بحرانلی دیب ایتیشلریچه، کیله‌سی ییل دهقان‌لر کوپ زیان کورمسلیگی اوچون ایکینچیلیک، سوغاریش و چاروه‌چیلیک وزیرلیگی تامانیدن آگاهی‌لیک بیریش ریجه‌لر و برنامه‌لر یولگه قوییلیشی کیره‌ک.
بوغدای، ارپه، مککه، کونجوت و زغیر جوزجان ولایتی ایکینیچلیک محصولات‌لریدن سنله‌دی، جوزجان‌لیک دهقان‌لر اوشبو محصول‌لرنی ایکیب عایله اعضالرینی خرجتینی تأمینله‌یدی، بیراق اوشبو ییل ایکین‌لری حاصلی قوریب قالگن‌لیگی اوچون اسلام امیرلیگی دن یاردم بیریشینی ایسته‌یدیلر.
