بالهسی اندراگاندی کسل‌خانه‌سیده بستری بولگن کابل شهری پغمان تومنی یشاوچیسی بولمیش مرسل نینگ ایتیشیچه، اوزی و بالهسی توییب آوقت‌لنمسلیککه چلینگن. اونینگ کوپه‌یتیریشیچه، بالهسی اندراگاندی کسل‌خانه‌سی گه بستری بولگنی‌دن بویان، ساغه‌یگن دیر.
مرسل نینگ کوپه‌یتیریشیچه: «باله‌م و اوزیم توییب آوقت‌لنمسلیکه چلینگن‌میز. اویی‌میزده آزیق-آوقتی‌میز یوق ایدی که، اوشبو کسل‌لیککه چلیندیک.»
کابل نینگ شکردره تومنی یشاوچیسی بولمیش بی‌بی‌هاجره، بالهسی نینگ توییب آوقت‌لنمسلیککه چلینگنی سبب، دوالش اوچون اندراگاندی کسل‌خانه‌سی گه کیلتیرگن. اونینگ ایتیشیچه، بالهسی قتیق ایچ کیتمه طفیلی، اوشبو کسل‌لیککه چلینگن.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «باله‌م قتیق ایچ کیتمه گه چلینگن دیر و اوزیم هم توییب آوقت‌لنمسلیککه چلینگن‌مین. باله‌م نی دوالش اوچون اندراگاندی کسل‌خانه‌سی گه کیلتیردیم.»
شونده‌ی بیرحالده، ساغلیق‌نی سقلش وزیرلیگی مسئوللری نینگ ایتیشلریچه، اوتگن میلادی ییل گه قره‌گنده آنه‌لر و باله‌لر آره‌سیده توییب آوقت‌لنمسلیککه چلینگنلر سانی کمه‌یگن.
ساغلیق‌نی سقلش وزیرلیگی نینگ عامه آوقت‌لنیش باشلیغی محمدوزیر حامد نینگ سلام‌وطندار گه ایتیشیچه، جاری میلادی ییل‌ده، بیش یاش نی تولدیرمه‌گن ۸۷۵ مینگ باله جدی توییب آوقت‌لنمسلیک و بیش یاش نی تولدیرمه‌گن ۲۰۳ میلیون باله اورته توییب آوقت‌لنمسلیک و ۷۹۰ مینگ آنه ایسه توییب آوقت‌لنمسلیککه چلینگن.
ساغلیق‌نی سقلش وزیرلیگی نینگ عامه آوقت‌لنیش باشلیغی نینگ کوپه‌یتیریشیچه، اوتگن ییل بیش یاش نی تولدیرمه‌گن ۱۰۱ باله جدی توییب آوقت‌لنمسلیک و ۲۰۲ میلیون باله ایسه اورته توییب آوقت‌لنمسلیککه چلینگن ایدیلر و شونینگدیک قریب بیر میلیون آنه، توییب آوقت‌لنمسلیککه چلینگن ایدی.
شونینگدیک محمدوزیر حامد نینگ ایتیشیچه: «اوشبو ییل، جدی توییب آوقت‌لنمسلیککه چیلینگن ۵۸۰ مینگ باله، اورته توییب آوقت‌لنمسلیککه چیلینگن ۱۰۱ باله و شونینگدیک توییب آوقت‌لنمسلیککه چلینگن ۸۰۰ مینگ آنه دوالنگن.»
شفاکارلر قشاق‌لیک، نظافت رعایت ایتیلمه‌سلیگی و باله‌لر نینگ واکسین قیلینمه‌سلیگی نی، افغانستان ده توییب آوقت‌لنمسلیککه چیلینش اونملی عامل‌لریدن عنوان قیله‌دیلر.
بیزلرنینگ فیسبوک صحیفه‌میزگه باش اورینگ!
اندراگاندی کسل‌خانه‌سیده‌گی شفاکارلردن عارف حسن‌زی نینگ ایتیشیچه، توییب آوقت‌لنمسلیککه چلینیش آلدی آلینیشی اوچون، باله‌لر آلتی آی‌لیککه قدر آنه سوتی‌دن آوقت‌لنیشی کیرهک.
اونینگ کوپه‌یتیریشیچه: «باله نینگ توغیلگنی پیتده، واکسین بولیشی و آلتی آی‌لیککه قدر آنه سوتی‌دن آوقت‌لنیشی و آلتی آی‌دن کیین، آنه سوتی یانیده ییمک ییشی کیرهک. شونینگدیک میکروب‌دن سقلنیشی و کسل‌لیک‌لردن توسیق بولینیشی کیرهک که، توییب آوقت‌لنمسلیککه چیلنمه‌سینلر.»
ساغلیق‌نی سقلش وزیرلیگی مسئوللری گه کوره، حاضر ایسه مملکت بویلب ۳۲۰۰ ساغلیق مرکز نینگ فعالیتی بار و توییب آوقت‌لنمه‌سلیککه چلینگن برچه کسل‌لر درمانی خذمت‌لر امکانیتی گه ایگه دیر.
