جوزجان امنیتی مسئول‌لری نینگ ایتیشلریچه، اوشبو ولایتده ریجه‌لشتیریلگن بیر عملیات نتیجه‌سیده بیر جادوگر تعویذ یازووچینی قولگه آلگن‌لر.
جوزجان امنیه قوماندانی سراج‌الدین احمدزی گه کوره، اسلامی امارت امنیتی کوچلری ریجه‌لشتیریلگن بیر عملیات نتیجه‌سیده، مذکور ولایت نینگ مرکزی شبرغان شهری «شینکوت» قیشلاغیده انچه ییل‌دن بویان تعویذ نویس‌لیک بیلن اهالینی الدب کیلگن محمد کبیر اسملی شخص‌نی قولگه آلگن‌لر.
بیزلرنینگ فیسبوک صحیفه‌میزگه باش اورینگ!
جوزجان امنیه قوماندانی نینگ ایتیشیچه، مذکور جادوگر تعویذ یازووچی یالغیز بیر قیز و آنه‌دن ۱۲ مینگ آمریکالیک دالر ۵۰۰ مینگ افغانی و ۲ سیت طلانی، جادوگرلیک بیلن الدب آلگن.
جناب احمدی نینگ کوپه‌یتیریشیچه، اوشبو شخص مذکور عایله‌دن باشقه ۵۰ مینگ افغانی الدب آلیش نیتیده ایکن، بیراق بو پلانیده ناکام قالیب و اسلامی امارت کوچلری دامی‌گه توشگن.
جوزجان امنیه قوماندان‌لیگی نینگ جنایی مدیری محمد رسول نینگ ایتیشیچه، اوشبو شخص آلدیدن نیچه جلد جادوگرلیک، تعویذ یازیش کتاب و ۵۰ مینگ افغانی نقد پول تاپیلگن.
جوزجان امنیه قوماندان‌لیگی نینگ جنایی مدیری گه کوره، متهم اوز گناهینی قبول قیلیب و کیله‌سی نیچه آی ایچیده مذکور عایله نینگ پولینی توللش مسئولیتینی بوینیگه آلگن.
بیر عایله نینگ قریب ایکی میلیون افغانی پولینی آلگن جادوگر و تعویذ نویس سید کبیر نینگ ایتیشیچه، تیزلیک بیلن اوشبو عایله نینگ پولینی توللـه‌یدی.
عدالت سوره‌ش اوچون جوزجان امنیه قوماندان‌لیگیگه شکایت قیلگن عایله نینگ ایتیشیچه، ۱۲ مینگ دالر، ۵۰۰ مینگ افغانی و ۲ سیت طلانی زور و تهدید بیلن اولردن آلگن.
بیزلرنینگ توییترده هم تعقیب قیلینگ!
اوشبو قیز آنه‌سی لطیفه گه کوره، قیزی نینگ تکلیفینی حل قیلیش مقصدیده مذکور جادوگر تعویذ یازووچی گه مراجعت قیلگن، بیراق الده‌نیب قالگن.
عین‌حالده جوزجان یشاوچیلری، عایله‌وی ویرانلیککه سبب بوله‌دیگن تعویذ یازیش و جادوگرلیکلر آلدی آلینیشینی طلب قیله‌دیلر.
