جوزجان خوفسیزلیک مسئوللری نینگ ایتیشلریچه، بوگون (یک‌شنبه، ۲۰-جوزا)، توش چاغی جوزجان-بلخ قتناو یولی‌ده ترافیکی حادثه یوز بیرگن.
جوزجان امنیه قوماندانلیگی نمبریک قتناو یولی قوماندانی نورمحمد فاتح نینگ ایتیشیچه، اوشبو ولایت شبرغان شهری نینگ هوا قونالغه‌سی اطرافیده، «سراچه» رسوملی ایکی موتر نینگ توقنشگنی نتیجه‌سیده، ۱۴ کیشی یره‌لنگن.
بیزلرنینگ فیسبوک صحیفه‌میزگه باش اورینگ!
جناب فاتح گه کوره، اوشبو حادثه نتیجه‌سیده بیر باله شامل ۳ کیشی جدی شکلده جراحت کوتاریب و باشقه ۱۱ کیشی ایسه آزراق جراحت کوتارگن دیر.
ایتیش کیره‌ک که، هیداوچیلر نینگ احتیاط‌سیزلیگی، ترافیکی قاعده‌لر رعایت ایتیلمسلیگی و سرک‌لر نینگ خراب‌لیگی، یوز بیره‌دیگن ترافیکی حادثه‌لردن کوپینچه‌سی نینگ سببلریدن دیر.