جوزجان محلی مسئوللری نینگ ایتیشلریچه، اوشبو ولایت مرکزی شبرغان شهری نینگ «ترناب اوزبیکیه» قیشلاغیده، بیر جریب ییر‌ده شخصی پول بیلن بیر مکتب نینگ قوریلیش ایشی باشلنگن. اولر گه کوره، مذکور مکتب بیر میلیون ۶۵۰ مینگ افغانی ارزشی گه قوریلیب و ایشی اوچ آیگچه تکمیل بولیشی ممکن.
جوزجان حاکمی اورین‌باسری نورالدین عمیر نینگ ایتیشیچه: «تربیه و تعلیم جوده‌یم ضرور دیر. بو کیشی گه تینگری سرمایه بیرگن، اون‌آلتی یریم لک افغانی صرف‌لگن. سیزلر هم فرزند‌لرینگیز نینگ تعلیمی خصوصیده سعی و حرکت قیلینگنلر و مکتب گه یوبارینگلر که، کیله‌جک‌ده اهالی گه خذمت قیلسین.»
بیزلرنینگ فیسبوک صحیفه‌میزگه باش اورینگ!
«ترناب اوزبیکیه» قیشلاغی شبرغان شهری نینگ اوزاق قیشلاغ‌لریدن دیر که، ۶۵۰ اوقووچی ایکی پیتده خیمه‌لر آستیده تعلیم کوره‌دیلر. اوشبو قیشلاغ یشاوچیلری نینگ ایتیشلریچه، مذکور قیشلاغدهگی اوقووچیلردن قطاری، ایسیق‌لیک درجه‌سی آشیشی سبب، تورلی کسل‌لیک‌لر گه چلینگنلر.
«ترناب اوزبیکیه» قیشلاغ یشاوچیلریدن نیازمحمد نینگ ایتیشیچه، مذکور قیشلاغدهگی اوقووچیلر و اوقیتووچیلر ایسیق هوا‌ده خیمه آستیده تعلیم و تربیه بیلن مشغول‌لر.
اوشبو قیشلاغ یشاوچیلریدن باشقه بیری نورمحمد نینگ ایتیشیچه: «ایکی پیت درس بار و حتا توخته‌ش گه امکان یوق. ایسیق‌لیک و بنا نینگ قوریلیشی گه قدر اوقووچیلر گه رخصت بیریش نی ایسته‌دیک. اوقووچیلردن برچه‌سی کسل دیر. اوشبو مکتب‌ده یالغیز سوو بار.»
شونده‌ی بیرحالده، جوزجان معارف رئیسی محمد‌طاهر جواد نینگ ایتیشیچه، مذکور مکتب نینگ قوریلیش خره‌جتی نی عبدالوکیل رسولی اسملی بیر سوداگر تولــــه‌یدی. اونگه کوره، اوشبو مکتب بناسی نینگ قوریلیشی بیلن، یوزلب اوقووچی ۴۴ درجه بولگن هوا نینگ ایسیق‌لیگی‌دن قوتقریله‌دیلر.
بیزلرنینگ توییترده هم تعقیب قیلینگ!
جناب جواپ نینگ کوپه‌یتیریشیچه: «اون بیرینچی یا-ده اون ایکینچی بنا دیر که، اهالی همکارلیگی بیلن قوره‌میز. ان‌شاءالله اینگ یقین زمان‌ده اهالی سرمایه‌سی و یاردمی بیلن ایکی بنا هم قوریلسین و ان‌شاءالله آقچه تومنی‌ده هم بیر مکتب نی آچه‌میز که، بیر کیشی ۲۵۰ مینگ دالر صرف‌لگن.»
جوزجان معارف ریاستی نینگ معلوماتی اساسیده، اوتگن ایکی ییل‌ده اوشبو ولایت نینگ تورلی بولیم‌لریده ۱۱ مکتب اهالی تامانیدن رایگان شکلده قوریلگن و اهالی نینگ مالی همکارلیگی بیلن حاضر ایسه باشقه ایکی مکتب قوریلیش ایشی نینگ دوامی بار.
