جوزجان ده شاعرلر، یازووچیلر و ایکینچیلر نینگ حضوری بیلن، قاوون فیستیوالی یولگه قوییلگن.
جوزجان معلومات و مدنیت باشلیغی سیفالدین معتصم نینگ ایتیشیچه، اوشبو فیستیوال ایکینچیلرنی قوللب-قوتلش مقصد، یولگه قوییلگن. اونینگ کوپهیتیریشیچه: «افغانستان خزانهلری یالغیز کانلر ایمس؛ بلکیم ایکینچیلیک محصولاتی هم اوشبو مملکت نینگ اساسی خزانهلری حسابلنهدی و بو برنامه نینگ یولگه قوییلگنیدن مقصد ایکینچیلر نی تشویق قیلیش و جوزجان قاوونلرینی نمایش گه دیر.»
بیزلرنینگ فیسبوک صحیفهمیزگه باش اورینگ!
شونینگدیک قیشلاقلرنی رواجلنتیریش و قیته قوریش وزیرلیگی اورینباسری شرفالدین مسلم نینگ ایتیشیچه، ایچکی تولیدلر نینگ رواجلنیشی اوچون ایکینچیلر و ایکینچیلیک محصولاتی نینگ حمایت بولینیشی کیرهک. «مملکتده ایکینچیلیک محصولاتی اورنی کوپ دیر، اسلام امیرلیگی و همکار موسسهلر ایکینچیلر نی تشویق و اولرنی قوللب-قوتلش اوچون دایم سعیوحرکت قیلماقدهلر.»
جوزجان ایکینچیلیک، سووغاریش و چاروهچیلیک باشلیغی عبدالقادر وحدت نینگ ایتیشیچه، اینگ یقینده اوشبو ولایتده ستندرد ساووقخانه قوریلیب و اوشبو ولایت ایکینچیلیک محصولاتی ساتیلیشی اوچون بازار تاپیلیشیگه قرار آلینگن.
بیزلرنینگ «ایکس» ترماغی ده هم تعقیب قیلینگ!
جوزجان ده ۳۰دن آرتیق تور قاوون بار و اولرنینگ شیرینلیگی افغانستان بویلب نظیری آز دیر.