جوزجان مرکزی شبرغان شهری «منگوتی» قیشلاغی «جگدلیک» مسجدی ده سه‌شنبه کونی، ۷ سنبله، ایکی عایله نینگ دشمن‌لیگیگه چیک قوییش مقصدیده قومی جرگه یولگه قوییلدی. اوشبو جرگه ده اونلب دین عالمی و قوم بویوک‌لری مذاکره‌لردن کیین، ایکی عایله نینگ دشمن‌لیگیگه چیک قویگنلر.
جوزجان ده قوم بویوک‌لریدن بیری شیرشاه بابری گه کوره، مذکور جرگه ایکی عایله نینگ دشمن‌لیگیگه یکون بیریش مقصدیده یولگه قویلیب و نهایت اولر نینگ دشمن‌لیگی دوست‌لیککه اوزگرگن. او نینگ کوپه‌یتیریشیچه: «ایکی تامان بیزنی التماسیمیزنی قبول قیلدی و بو مجلس یولگه قوییلدی. یشاوچیلر گه خذمت قیلیش اوچون تلاش قیله‌یپمیز و اهالی خیرینی ایسته‌یمیز. دشمن‌لیک هیچ کیم نینگ اونمی گه ایمس.»
بیزلرنینگ فیسبوک صحیفه‌میزگه باش اورینگ!
جوزجان ده قوم بویوک‌لریدن باشقه بیری رازمحمد بخت‌یار، دشمن‌لیک و قرمه قرشی‌لیک‌لرنی عایله‌لر اونمیگه بیلمه‌ی و مذاکره آرقه‌لی بو قیینچلیک‌لر حل ایتیلیشی اوستیده تأکید ایته‌دی. او نینگ ایتیشیچه: «عالم‌لر، آقسقاللر نینگ واسطه‌چیلیگی بیلن مولوی زاهد شامل بیز شبرغان شهری دن کیلدیک و موضوع نی حل قیلدیک، نهایت ایکی تامان کیلیشدی و قیینچیلیک حل بولدی.»
جوزجان ده دین عالم‌لریدن باشقه بیری اخترمحمد بلوچ، دشمن‌لیک و قرشی‌لیکنی قتل، اولدیریش و حتا مملکت بوزیلیش عاملی عنوان قیلیب و مذاکره بیلن اوشبو قیینچیلیک حل ایتیلیشی اوستیگه تأکید ایته‌دی. او نینگ کوپه‌یتیریشیچه: «دشمن‌لیک بیر عایله و بیر مملکت بوزیلیشی گه سبب بوله‌دی، وقتیده حل بولیشی کیره‌ک. بو کبی ییغیلیش‌لر بیلن دشمن‌لیککه چیک قوییلیشینی خوش قرشی له‌یمیز.»
دشمن‌لیگی بولگن مذکور ایکی عایله اوشبو جرگه ده بیر_بیرینی قوچاغ‌لب و ییتتی ییل‌لیک دشمن‌لیک‌لری گه چیک قویدیلر. مقتول ایناغه‌سی داوود نینگ ایتیشیچه: «ییتتی ییل دن بیری اورته‌میز گه دشمن‌لیک تاپیلگن ایدی. بو ییرده تشریف بویرگن بویوک‌لر نینگ قراری گه حرمت قیلیب و دشمن‌لیککه چیک قویدیک.»
قاتل ایناغه‌سی دادشاه نینگ ایتیشیچه: «ایناغم باریب تاغم نینگ الف‌شاه اسملی اوغلینی اولدیرگندی. بیز بوگون کیلیشدیک و بوندن کیین ایناغه کبی تیریکچیلیک قیله‌میز.»
بیزلرنینگ توییترده هم تعقیب قیلینگ!
عین‌حالده، مذکور قومی جرگه تشکیلاتچیلریدن قطاری، عایله‌لر نینگ دشمن‌لیگی گه چیک قوییش اوچون بو کبی ییغیلیش‌لر یولگه قوییلیشینی مهم بهالب و اولکه بویلب بو کبی جرگه‌لر یولگه قوییلیشی اوستیگه تأکید ایته‌دیلر.
اوشبو قومی جرگه تشکیلاتچیلریدن عبدالمطلب افغان‌یار گه کوره، دشمن‌لیک و قرشی‌لیککه چیک قوییش اوچون هیچ زمان کیچ ایمس و هیچ نرسه صلح و کیلیشوو کبی تاتلی ایمس. او مذکور ایکی عایله نینگ ییتتی ییل‌لیک دشمن‌لیگیگه چیک قوییش‌لریدن خورسندلیک قیلیب و مملکت بوتون خلقی نینگ اتفاق بولیش‌لرینی طلب قیله‌دی.
او نینگ کوپه‌یتیریشیچه: «قوم‌لردن و دشمن‌لیگی بولگن عایله‌لردن بیزنی سوزلریمیزنی تینگلش‌لریدن جوده هم خورسند میز. اولکه بوتون خلقی دن اورته‌لریده‌گی تارتیشوولر و جنجل‌لری گه یکون بیریش‌لرینی ایسته‌یمیز.»
سونگی کون‌لرده مملکت نینگ قطار ولایت‌لریده قومی جرگه‌لر یولگه قوییلیب و عایله‌لر اورته‌سیده‌گی جنجل و دشمن‌لیگیگه چیک قوییش مقصدیده سعی‌وحرکت قیلینماقده.
