جوزجان ولایتی آقچه تومنی یشاوچیلری دن عبدالستار تورکمن نینگ سلام‌وطندار گه ایتیشیچه، اوشبو تومن ده ایچیملیک سوو یوق‌لیگی او و عایله اعضالرینی قیینچیلیک بیلن روپه‌ره قیلگن.
او نینگ کوپه‌یتیریشیچه: «سوو یوق نیچه کیلومتر نی کیزیب سوو آلیب کیله‌میز، سوو اچیق دیر، ایچیملیک سوو ییتکیزیب بیریش‌لرینی ایسته‌یمیز، بو ییرده قیینچیلیک کوپ دیر.»
جوزجان ولایتی آقچه تومنیده کیتمه_کیت قورغاقچیلیک باعث، مذکور تومن اهالیسی ایچیملیک سوولرینی تأمینلش اوچون قیینچیلیک بیلن دوچ بولگنلر.
آقچه تومنی یشاوچیلری، سرپرست حکومت و یاردم بیرووچی نهادلردن، مذکور تومن ده تاتلی سوو توزیع قیلیش شبکه قوریش‌لرینی سوره‌یدیلر.
بیزلرنینگ فیسبوک صحیفه‌میزگه باش اورینگ!
آقچه تومنی یشاوچیلریدن بیری چاری‌بای نینگ ایتیشیچه، ایچیملیک سوولری یوق‌لیگی گه قوشیمچه برق‌سیزلیک، قیینچیلیک‌لرینی ایکی برابر آرتیرگن.
اونگه کوره: «ایچیملیک سوو بولسه، بوغدای نانی بیلن تویگنده‌ی بوله‌میز، ایچیملیک سوو نی غضنفر منطقه‌سیدن آلیب کیله‌میز، هوا ایسیق بولسه بار، بولمسه سُولرنی یاقونچه ایکی ساعت و اوچ ساعت کوته‌میز.»
جوزجان ولایتی آقچه تومنی یشاوچیلری نینگ ایچیملیک سوودن فایده‌لنه آلمسلیگی باعث، مذکور تومنده انسان پرور بیر قطار کیشی‌لر انده_سنده تانکر بیلن یشاوچیلر گه سوو ییتکیزیب بیره‌دی.
آقچه تومنیده انسان پرور کیشی‌لر نینگ نماینده‌سی جمال‌الدین گه کوره، هر کونی ۲۰ و ۱۵۰ کیلومتر اوزاق‌لیگی بولگن قیشلاق‌لر گه تانکر بیلن سوو ییتکیزیب بیره‌دیلر.
او نینگ ایتیشیچه: «۴۰ کوندن بیری سوو توزیع قیلماقده‌میز و هر کونی بیر مینگ ۴۰۰ کیشی گه ۱۴ مینگ لیترلیک ایکی تانکر سوو ییتکیزیب بیره‌میز، ۴۰ کون ده ۵۶ مینگ کیشی گه سوو توزیع قیله‌میز، هر قیشلاق ده ۶۰۰ و ۱۰۰۰ کیشی ییغیله‌دی، هر بیر کیشی گه بیر بشکه سوو بیریله‌دی.»
بیزلرنینگ توییترده هم تعقیب قیلینگ!
شوو بیلن بیرگه، جوزجان ولایتی آقچه تومنی محلی مسئوللری، مرکزی حکومت و یاردم بیرووچی نهادلر تامانیدن مذکور تومن ده ایچیملیک سوو قیینچیلیگی حل ایتیلیشیدن ایشانچ بیره‌دیلر.
آقچه تومنی اولسوالی اسدالله غضنفر نینگ ایتیشیچه، اوشبو تومن نینگ ۱۰ فایز سووی ایچیملیک دیر و یشاوچیلر نینگ احتیاج‌لرینی حل قیلیش اوچون ییترلی ایمس.
او نینگ کوپه‌یتیریشیچه: «حقیقتن بو تومن اهالیسی قیینچیلیک بیلن دوچ دیر، قورغاقچیلیک باعث دریالر سووی کمه‌یگن، مذکور تومن ده ییر آستی سوولریدن ۹۰ فایزی ایچیملیک ایمس و ۱۰ فایزی ایچیملیک دیر.»
جوزجان ولایتی آقچه تومنی، ۳۵ قیشلاق و ایکی ناحیه بیلن مذکور ولایت نینگ نفوسلی تومن‌لریدن سنله‌دی و کیتمه_کیت قورغاقچیلیک باعث دریاچه‌لر سووی کمه‌یب و یشاوچیلر سوو تنقیص‌لیگی بیلن روپه‌ره بولگنلر.
