جوزجان معارف ریاستی مسئوللری، اوشبو ولایت مکتب‌لری ده نهال ایکیش کمپاینی باشلنگنیدن خبر بیره‌دیلر.
جوزجان معارف ریاستی مسئوللری نینگ ایتیشلریچه، بوگون (پنجشنبه، ۴ حوت)، مذکور ولایت نینگ ایکینچیلیک انستیتوتی همکارلیگی بیلن ۱۲ مکتب گه ۴۰۰ نهال توزیع قیلگنلر.
جوزجان معارف باشلیغی محمدطاهر جواد گه کوره، نهال ایکیش اوشبو کمپاین مکتب‌لر صحنینی کورکم‌لشتیریش و هوا دغل‌لیگینی آلدینی آلیش مقصدیده یولگه قوییلگن.
بیزلرنینگ فیسبوک صحیفه‌میزگه باش اورینگ!
مکتب‌لر بیزه‌لتیریلیشی اوقووچیلر اوستیگه مثبت تأثیر قیله‌دی و برچه کیشی اوشبو کمپاین گه حصه قوشیشی کیره‌ک دیدی جوزجان معارف باشلیغی محمدطاهر جواد.
جوزجان ایکینچیلیک انستیتوت آمری محمدادریس قاری‌زاده گه کوره، اولر معارف ریاستی بیلن دایمی همکارلیک‌لری دوامیده، بو مرته ۴۰۰ نهال اوشبو ریاست گه یاردم بیرگنلر.
جناب قاری‌زاده نینگ ایتیشیچه، مکتب‌لر صحنینی کورکم‌لشتیریش مقصدیده معارف ریاستی گه کوپراق نهال یاردم بیریش مقصدیده سعی‌وحرکت قیلماقده‌لر.
جوزجان یشش محیط ارتباط‌لر مسئولی محمد عارف یاردم گه کوره، کورکم‌لیک اوچون بوگون معارف ریاستی مثبت آدیم کوتارگن.
بیزلرنینگ توییترده هم تعقیب قیلینگ!
جناب یاردم نینگ ایشانچی گه کوره، یشش محیط ریاستی مکتب‌لر کورکم‌لیگی اوچون جوزجان مرکزی شبرغان شهری ده‌گی اون مکتب گه ۳۰ نهال ایککنلر.
شبرغان شهری معارف آمری سمیع‌الله احمدی، مکتب‌لر کینگشی دن مکتب‌لر گه یاردم بیریب و مملکت آبادانچیلیگی و کورکم‌لیگی اوچون سعی‌وحرکت قیلیشینی طلب قیلگن.
