کابل بلدیه‌سی، بوگون کابل شهری بویلب نهال ایکیش بیر آی‌لیک کمپاینینی یولگه قویگن.
کابل بلدیه مسئوللری نینگ ایتیشلریچه، شهرنی بیزه‌لتیریش مقصدیده، اوشبو ییل ده کابل شهری بویلب ۶۰۰ مینگ ثمره‌لی و ثمره‌سیز نهال ایکیلیشی کوتیله‌دی.
کابل بلدیه‌سی نینگ شهری خذمت‌لر و یشش محیط ایشلری بوییچه معینی خالد سجستانی گه کوره: «بوگون پایتخت بویلب نهال ایکیش کمپاینی باشلنگن و ۱۴۰۱_ییل ده کابل بویلب قریب ۶۰۰ مینگ ثمره‌لی و ثمره‌سیز نهال ایکیلیشی ممکن.»
بیزلرنینگ فیسبوک صحیفه‌میزگه باش اورینگ!
کابل یشاوچیلریدن قطاری، نهال ایکیش کمپاینی یولگه قویلیشیدن خورسندلیک قیلیب، شهر یشاوچیلریدن اوشبو کمپاین گه حصه قوشیش‌لرینی طلب قیله‌دیلر.
کابل یشاوچیلری عبدالرازق گه کوره: «کابل بلدیه‌سی تامانیدن نهال ایکیش کمپاینی باشلنگنیدن خورسندمیز، بو کمپاین گه حصه قوشیشنی ایسته‌دیک، کابل یشاوچیلری دن شهر کورکم‌لیگی اوچون بیر نهال ایکیش‌لرینی ایسته‌یمیز.»
کابل یشاوچیلریدن باشقه بیری همایون نینگ ایتیشیچه: «یورت آبادانچیلیگی اوچون نهال ایکیش گه حصه قوشدیک، کابل شهری کورکم‌لیگی اوچون برچه‌میز حصه قوشیشیمیز کیره‌ک.»
بیزلرنینگ توییترده هم تعقیب قیلینگ!
کابل بلدیه‌سی، هر ییلی نهال ایکیش کمپاینی ده کابل شهری بویلب یوزلب ثمره‌لی و ثمره‌سیز نهال ایکه‌دی، اوتگن ییل ده اوشبو شهر ده ۲۵۰ مینگ نهال ایککن ایدی؛ نیچه مدت دن کیین سوغاریلمسلیگی سبب اولردن کوپی قوریب قالگن.
