بیرلشگن ملتلر تشکیلاتینینگ جمعیت صندیغی، جاپان دولتی افغانستانده ساغلیق خذمتلرینی مستحکملش و قوللب-قوتلش اوچون اوچ میلیون دالر یاردم کورستگنینی بیلدیردی.
بیرلشگن ملتلر تشکیلاتیگه قرهم بو نهاد، بوگون (۲۵ جدی/ ۱۵ جنوری، پنجشنبه) بیر بیانیه ترقهتیب، اوشبو تازه مالی یاردملر افغانستاننینگ بیش ولایتیده صرفلنیشینی معلوم قیلگن.
بیانیه گه کوره، دایکندی، فاریاب، خوست، کنر و پکتیکا ولایتلریده ۶۰ ته «عایله سلامتلیگی اوی» قوللب-قوتلنهدی، شونده بو مرکزلر آنهلر سلامتلیگی بوییچه حیاتنی سقلب قالووچی خذمتلرنی کورسهتیشده دوام ایته آلهدی.
بیرلشگن ملتلر تشکیلاتی جمعیت صندیغینینگ تأکیدلشیچه، اوشبو خذمتلر آلدینی آلیش ممکن بولگن آنه و چقهلاقلر اولیمینی کمهیتیریش همده عیاللر-قیزلر و یاشلرنینگ اوزاق مدتلی فراوانلیگینی یخشیلشده مهم اهمیت گه ایگه.
بیاناتده ایتیلیشیچه، اوشبو دستور عملگه آشیریلیشی بیلن بیش ولایتده قریب ۲۱۰ مینگ کیشی قمرهب آلینهدی، اولرنینگ کمیده ۸۴۰ نفری ناگرانلیگی بولگن شخصلر دیر.
بیرلشگن ملتلر تشکیلاتی معلوماتلریگه کوره، میلادی ۲۰۲۶-ییلده تخمیناً ۲۱.۹ میلیون افغان، یعنی مملکت اهالیسینینگ ۴۵ فایزی انسان سیورلیک یاردملر گه محتاج بولهدی؛ اولرنینگ ۱۴.۴ میلیون نفری ساغلیقنی سقلش خذمتلریگه احتیاج سیزیلهدی.
