ساغلیقنی سقلش وزیرلیگی سرپرستی نورجلال جلالی، افغانستان بوییچه چیگره بیلمس شفاکارلر تشکیلاتی باشلیغی میکایل لیپی بیلن، دوالنیش مرکزلر و طبی خذمتلر یخشیلنیشی، طبیات خادملرینینگ ظرفیتی آشیریلیشی، خذمتلرده شفافلیک تامینلنیشی و هماهنگلیک یرهتیلیشی توغریسیده، صحبت قیلگن.
ساغلیقنی سقلش وزیرلیگی، بوگون (۲۳-ثور، سهشنبه)، بیر بیانیه آرقهلی یازیشیچه، بو وزیرلیک سرپرستی افغانستاننینگ ساغلیقنی سقلش سکتوریگه چیگره بیلمس شفاکارلر تشکیلاتی یاردملری آشیریلیشی و کوپهیشینی ضرور دیگن.
بیزلرنینگ «ایکس» ترماغی ده هم تعقیب قیلینگ!
شونینگدیک نورجلال جلال، ساغلیقنی سقلش خادملری ظرفیتی، طبی خذمتلر صفتی و بو بولیمده شفافیت آشیریلیشی اوچون چیگره بیلمس شفاکارلر تشکیلاتی خذمتلرینینگ کوپهیشینی ایستهگن.
ساغلیقنی سقلش وزیرلیگینینگ بیانیهسی اساسیده، میکایل لیپی افغانستان ده طبی خذمتلر کوپهیشی و یخشیلنیشی توغریسیده تاکید قیلگن.
بیزلرنینگ فیسبوک صحیفهمیزگه باش اورینگ!
شونینگدیک افغانستان بوییچه چیگره بیلمس شفاکارلر تشکیلاتی باشلیغیگه کوره، بو تشکیلات هرات، قندوز و هلمند ولایتلریده طبی خذمتلر کورسهتیلیشیگه دوام بیرهدی.
افغانستان ساغلیقنی سقلش بولیمی، نیچه دههدن بویان اهالیگه طبی خذمتلرنی کورسهتیش اوچون خلقارا اینیقسه طبی نهادلر یاردمیگه تیگیشلی دیر.
