اسلام امیرلیگی ساغلیق‌نی سقلش وزیرلیگی، بوگون (۱۸-حمل، دوشنبه)، کابل ده بیر برنامه آرقه‌لی «آنه‌لر و چقه‌لاقلردن مراقبت قیلیش، کیله‌جک اوچون سرمایه یاتقیزیش دیر» شعاری بیلن «خلق‌ارا ساغلیق‌نی سقلش کونی»دن نشانله‌گن.
مذکور برنامه‌ده خلق‌ارا ساغلیق‌نی سقلش تشکیلاتی افغانستان بولیمی اورینباسری مکتا شرما‌نینگ ایتیشیچه، افغانستان ده آنه‌لر و چقهلاقلر اولیمی میزانی یوقاری دیر و هر بیر ساعت‌ده بیر آنه توغیش جریانیده وفات قیله‌دی. «۱۰۰ مینگ توغیش‌ده ۶۲۰ آنه و هر بیر ساعت‌ده بیر آنه وفات قیله‌دی. عاجل اقدام قیلیش کیره‌ک. چقهلاقلر و باله‌لر‌نینگ اولیمی میزانی یوقاری دیر.»
بیزلرنینگ «ایکس» ترماغی ده هم تعقیب قیلینگ!
خلق‌ارا ساغلیق‌نی سقلش تشکیلاتی‌نینگ اوشبو رسمی‌سی‌گه کوره، افغانستان ده ساغلیق بولیمی‌ده عیال ایشلاوچیلر کم‌لیگی، حامله عیاللر و چقهلاقلر حیاتی‌نی تهدید قیله‌دی.
باشقه بیر تاماندن، بیرلشگن ملتلر تشکیلاتی‌نینگ جمعیت صندیغی افغانستان بولیمی اورینباسری مارک هوچنسن‌‌گه کوره، دوالنیش مرکزلرده قابله‌لر سانی‌نی کوپه‌یتیریش بیلن افغانستان ده چقهلاقلر و باله‌لر اولیمی میزانی‌نی کمه‌یتیریش ممکن. اونینگ کوپه‌یتیریشیچه: «قابلگی خذمت‌لر‌نینگ کوچه‌یشی بیلن خوفلر تانیلیب و قیین‌چیلیک‌لر مدیریت قیلینه آله‌دی. کیلینگلر آنه‌لر و چقهلاقلر اولیمی میزانی‌نی صفر گه ییتیشتیریش اوچون سرمایه یاتقیزیش‌نی اولویت‌گه قرار بیره‌‌یلیک.»
بو بیلن بیرگه، اسلام امیرلیگی ساغلیق‌نی سقلش وزیرلیگی مسئوللری‌نینگ ایتیشلریچه، بیر ایش توغریسیده ایشلماقده‌لر که اونینگ اساسیده، افغانستان یشاوچیلری اینیقسه آنه‌لر و چقهلاقلرگه صفتلی ساغلیق خذمت‌لری کورسه‌تیلیشی‌نینگ کوپه‌یشی ممکن.
بیزلرنینگ فیسبوک صحیفه‌میزگه باش اورینگ!
ساغلیق‌نی سقلش وزیرلیگی‌نینگ ساغلیق خذمتلرنی کورسه‌تیش بوییچه اورینباسری عبدالولی حقانی‌گه کوره: «قاچقینلر، آنه‌لر و چقهلاقلرگه خذمتلر کورسته‌‌میز و خلق‌ارا همکارلردن منت‌دارلیک قیلهمیز. خذمتلریمیز‌نی آشیریش و اهالی‌گه درست بیر شکلده کیفیت‌لی خذمتلرنی کورستیش اوچون سعی‌وحرکت قیلهمیز.»
ساغلیق مسئله‌لری حقیده آگاهی‌لیک کوپه‌یشی و خلق‌ارا ساغلیق‌نینگ آشیشی مقصد، ۱۹۴۸-ییل‌ده خلق‌ارا ساغلیق‌نی سقلش تشکیلاتی تامانیدن ییتینیچی اپریل، خلق‌ارا ساغلیق‌نی سقلش کونی صفتیده ناملنگن.
