دنیا بانکی افغانستان اقتصادی وضعیتی گه دایر ینگی گزارشی ده، اوشبو مملکت نینگ صادرات میزانی آشیب و خارجی پول‌لر برابری ده افغانی پول نسبی ثبات نی اسره‌گنیدن خبر بیرگن.
اوشبو گزارش اساسیده، افغانستان میلادی ۲۰۲۲ ییل نینگ جنوری آی دن نومبر آی گه قدر، بیر میلیارد ۷۰۰ میلیون دالر صادرات قیلگن.
اسلام امیرلیگی صناعت و سوداگرلیک وزیرلیگی سوزلاوچیسی جواد آخوندزاده، دنیا بانکی نینگ اوشبو گزارشینی تصدیقلب ایتیشیچه، اوتگن بیر ییل ده سوداگرلر اوچون قولی‌لیک یره‌تیلیشی باعث، افغانستان نینگ تجارتی توارلری آشگن.
بیزلرنینگ فیسبوک صحیفه‌میزگه باش اورینگ!
اونینگ سلام‌وطندار گه ایتیشیچه: «اوتگن میلادی ییل ده صادرات میزانی بیر میلیارد ۴۵۰ میلیون دالر گه ییتیشگن، جمهوریت توزومی گه نسبتن صادرات میزانی آشیش سببی، سوداگرلر گه قولی‌لیک یره‌تیش و تورلی مملکت‌لر بیلن سوداگرلیک تعامل‌لرنی کوچه‌یتیریش دیر.»
خلق‌ارا اقتصاد تدقیقاتچیسی و بیلیم یورت اوقیتووچیسی بهمن یوسفی گه کوره، دنیا همجمعیت نینگ نقدی یاردم‌لری و دنیا بازارلریده ییگولیک و یاقیلغی ماده‌لر نرخی پس توشیشی باعث، خارجی پول‌لر برابری ده افغانی پول نسبی ثبات نی اسره‌گن.
بهمن یوسفی نینگ ایتیشیچه: «خارجی پول‌لر برابریده افغانی پول نرخی ثابت اسره‌لیش یگانه عاملی، دنیا همجمعیت نینگ افغانستان خلقی گه نقدی یاردم‌لری دوام ایتیشی دیر.»
شو بیلن بیرگه، اقتصادی مسئله‌لر بوییچه ایش بیلرمان تاج‌محمد تلاش نینگ ایتیشیچه، افغانستان وضعیتی کونسه‌یین یخشی‌لنماقده و صادرات میزانی آشیشی، اهالی نینگ اقتصادی وضعیتی اوستیگه تأثیر قیله‌دی.
بیزلرنینگ توییترده هم تعقیب قیلینگ!
اونگه کوره: «افغانستان نینگ اقتصادی وضعیتی یخشی‌لنماقده، دنیا همجمعیت نظارت قیله‌دی و صادرات میزانی آشیشی، اهالی و خصوصی سکتور اوستیگه تأثیر قیله‌دی.»
ایتیش کیره‌ک که، جمهوریت توزومی قولشی بیلن، افغانستان نینگ اقتصادی تیزیمی قولب و قشاق‌لر سانی کوپه‌یگن؛ شونینگ اوچون باشقه زمان‌لر گه نسبتن اولکه یشاوچیلری نینگ خلق‌ارا انسان پرورلیک یاردم‌لر گه احتیاجینی آشیرگن.
