جبل‌السراج سمنت ایشلب چیقریش ایشخانه رئیسی محمد‌صابر حمزه نینگ سلام‌وطندار گه ایتیشیچه، بیر کیچه و کوندوزده اوشبو ایشخانه نینگ تولید امکانیتی ۲۰ تُن‌دن ۷۰ تُن آشگن دیر.
اونگه کوره، مذکور ایشخانه‌ده ایکی پیت‌ده ۱۶۵ ایشلاوچی ایش بیلن شغللنگن.
جبل‌السراج سمنت ایشلب چیقریش ایشخانه رئیسی، مرکزی حکومت و ملی ترقیات شرکتی‌دن مذکور ایشخانه تولید امکانیتی نینگ بیر کیچه و کوندوز ده اوچ مینگ و بیش یوز تُن کوپه‌یتیریلیشی نی ایسته‌یگن؛ چونکه، فنی کوچ و کیره‌کلی خام ماده قوله‌ی بیرشکلده قولگه کیله‌دی.
بیزلرنینگ فیسبوک صحیفه‌میزگه باش اورینگ!
شونینگدیک حمزه نینگ کوپه‌یتیریشیچه، مذکور ایشخانه نینگ برچه دستگاه‌لری ایسکیرگن و ینگی دستگاه‌لر نینگ کیلتیریلیشی کیره‌ک.
باشقه بیر تاماندن، پروان مرکزی چاریکار شهری یشاوچیسی بولمیش ۲۶ یاشر سید‌امیر سادات، جبل‌السراج سمنت ایشخانه تولیدی کوپه‌یگنی‌دن خورسند‌لیک بیلدیریب ایتیشیچه، مسئوللر اوشبو ایشخانه‌ده ایشلاوچی آلیش میزانی نی کوپه‌یتیریش‌لری کیره‌ک.
شونده‌ی بیرحالده، پروان بیلیم یورتی نینگ اقتصاد فاکولته‌سی اوقیتووچیسی بولمیش عبدالولی هژیر نینگ ایتیشیچه، حکومت پروان و باشقه ولایت‌لرده ایشلب چیقروچی ایشخانه‌‌لر نینگ فعال قیلیش اوچون سعی و حرکت قیلگنی صورت‌ده، استعداد‌لی یاش ییگیت‌لر نینگ باشقه مملکت‌لر گه کیتمه‌یشی و افغانستان اوچون یخشی اقتصاد زمینه‌سی یره‌تیلیشی گه سبب بوله‌دی.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «هر قنچه ایش زمینه‌سی کوپه‌یگنی صورت‌ده، او مقدار مهاجرت میزانی و افغانستان نینگ باشقه مملکت‌لر گه تیگیشلی بولگنی کمه‌یه‌دی.»
ایتیش کیره‌ک که افغانستان، ایشخانه قوریش موادی نینگ اونملی بولیمی نی تشقی‌دن وارد قیله‌دی.