لبنان ساغلیق‌نی سقلش وزیرلیگی نینگ اعلام قیلیشیچه، اوشبو مملکت نینگ بیر قطار بولیم‌لری گه اسرائیل اردوسی آرقه‌لی اویوشتیرگن هوایی هجوم‌لر عاقبتیده، ۴۹۲ کیشی قربان بولیب و بیر مینگ ۶۴۵ کیشی یره‌لنگن.
رویترز آژانسی نینگ گزارش بیریشیچه، ۲-میزان، دوشنبه کونی اسرائیل اردوسی هوایی هجوملری بیلن لبنان نینگ جنوب، شرق و شمالی بولیم‌لرینی نشان‌گه آلگن.
بیزلرنینگ «ایکس» ترماغی ده هم تعقیب قیلینگ!
گزارش اساسیده، قربانی‌لری آره‌سیده ۳۵ باله، اونلب عیال و طبیات خادم‌لری هم شامل دیر.
گزارش‌ده کیلیشیچه، مینگ‌لب کیشی اسرائیل هجوملری طفیلی اوی‌لرینی ترک قیلگنلر.
لبنان رسمی‌لریدن بیری نینگ ایتیشیچه، بو ایچکی اوروشلر باشلنگنی‌دن بویان زوره‌وانلیکلر طفیلی اوشبو مملکت‌ده کونده‌لیک اینگ یوقاری تلفات ایدی.
اسرائیل باش‌وزیری بنیامین نتانیاهو قیسقه ویدیویی بیر پیغام آرقه‌لی لبنان یشاوچیلری گه ایتگن که: «اوروشیمیز سیزلر بیلن ایمس، حزب‌الله بیلن دیر. بو حزب قیسقه مدت اوچون سیزلردن انسانی سپر صفتیده قوللنه‌دی.»
بیزلرنینگ فیسبوک صحیفه‌میزگه باش اورینگ!
اسرائیل جنوبی چیگره‌سی و غزه ده حماس بیلن اسرائیل آره‌سیده‌گی توقنشوولر باشلنگنی‌دن قریب بیر ییل اوتگنی بیرحالده، مذکور مملکت اردوسی کوپراق اعتبارینی شمالی چیگره تامان قره‌تگن و اسرائیل اردوسی گه کوره، بیر مینگ ۶۰۰دن آرتیق حزب‌الله پایگاه‌سی اوشبو مملکت آرقه‌لی نشان گه آلینگن.
اسرائیل و حزب‌الله آره‌سیده توقنشوولر نینگ کوچه‌یگنی، منطقه‌ده اوروش کوچه‌یشی خصوصیده خواطرلرنی کوپه‌یتیرگن. ایکی کون آلدین امریکا قوشمه ایالتلری اسرائیل‌دن حزب‌الله لبنان بیلن توقنشوولر نینگ کوچه‌یتیرمسلیکلرینی ایسته‌گن.
