فلسطین ساغلیقنی سقلش رسمیلرینینگ اعلام قیلیشیچه، اسرائیل آرقهلی نوار غزهنینگ بیر قطار بولیملریگه اویوشتیریلگن هجوملر نتیجهسیده، کمیده ۶۴ کیشی قربان بولیب و بیر قطار کیشی یرهلنگن.
مذکور کیشیلر اوتگن کونی اسرائیل اردوسی آرقهلی غزه جنوبی شامل تورلی بولیملری نشانگه آلینگنی عاقبتیده قربان بولگنلر.
بیزلرنینگ «ایکس» ترماغی ده هم تعقیب قیلینگ!
فلسطین ساغلیقنی سقلش رسمیلریگه کوره، اسرائیلنینگ غزه جنوبیده جایلشگن خانیونس شهریگه اویوشتیرگن هجومیده بیر عایلهنینگ ۱۰ اعضاسی قربان بولگن.
باشقه بیر تاماندن، بیرلشگن ملتلر تشکیلاتی خلقارا آزیق-آوقت دستورینینگ اعلام قیلیشیچه، آزیق-آوقت ییتیشمسلیگی طفیلی، غزه ده یوزلب کیشی آچلیک خوفی آستیده قرار تاپگن.
بیزلرنینگ فیسبوک صحیفهمیزگه باش اورینگ!
غزه ده اوروشلر توغریسیده خلقارا مخالفتلر بولگنی بیرحالده، اسرائیل آٰرقهلی غزه گه انسانسیورلیک یاردملر یوباریلیشی توختهتیلیب و اوروش یکونلنمهگن.
فلسطین ساغلیقنی سقلش وزیرلیگینینگ معلوماتی اساسیده، اسرائیل بیلن حماس آرهسیدهگی توقنشوولر باشلنگنیدن بویان، فلسطینلیک ۵۰ مینگ ۶۵ کیشی قربان بولیب و ۱۱۶ مینگ ۵۰۵ کیشی یرهلنگن.
