اسرائیل نینگ غزه ده‌گی آواره‌لر کمپی‌گه اویوشتیرگن هجومی‌ده ۴۰ کیشی قربان بولیب و ۶۰ کیشی ایسه یره‌لنگن. الجزیره خبری ترماغی نینگ گزارش بیریشیچه، اسرائیل اردوسی بوگون ایرته‌لب (سه‌شنبه، ۲۰-سنبله)، غزه جنوبی حدودلریده جایلشگن خان یونس یقین‌لیگیده‌گی آواره‌لر کمپی‌گه هجوم اویوشتیرگن.
لیکن اسرائیل حماس قوماندانلیک مرکزی نینگ نشان گه آلگنی نی اعلام قیلگن. اسرائیل اردوسی بیر اعلامیه آرقه‌لی ایتیشیچه: «نوار غزه ده حاضرگچه ترورچیلیک تشکیلات‌لری توزوم‌لی طرزده اوتمیش‌ده انسان‌پرورلیک یاردم‌لر اوچون تعیین‌لنگن جایلر شامل انسان‌پرورلیک و یشاوچیلر آست‌قورمه‌لریدن سوء استفاده قیله‌دیلر.»
بیزلرنینگ «ایکس» ترماغی ده هم تعقیب قیلینگ!
باشقه بیر تاماندن، حماس عملیاتی هدفلر اوچون تینچ اهالی‌دن قوللنیشینی رد قیلیب و اونی «یالغان» دیگن.
ینگی‌لیکده اوشبو مملکت مدافعه وزیری یوآف گالانت، حماس نابود بولیشیگه قدر نوار غزه ده اوروش نینگ دوام بیریلیشی نی ایتگنی بیرحالده، اسرائیل هجومی آواره‌لر کمپی گه اویوشتیریلگن.
بیزلرنینگ فیسبوک صحیفه‌میزگه باش اورینگ!
حماس و اسرائیل آره‌سیده‌گی توقنشوولر نینگ باشلنگنی‌دن اون آی‌دن کوپراق اوتگن و بو مدت‌ده غزه ده آتیش کیسین برقرار ایتیلیشی و گروگانلر نینگ قوییب یوباریلیشی مقصد خلق‌ارا واسطه‌چیلر نینگ سعی‌وحرکتلری نتیجه بیرمه‌گن.
غزه ده ساغلیق‌نی سقلش رسمی‌لری آرقه‌لی ارائه بولگن معلومات اساسیده، حماس و اسرائیل آره‌سیده هجوملر نینگ باشلنگنی‌دن بویان، ۴۰ مینگ ۹۸۸ کیشی قربان بولیب و ۹۴ مینگ ۸۰۰دن آرتیق کیشی ایسه یره‌لنگن.
