بیرلشگن ملتلر تشکیلاتی‌نینگ اعلام قیلیشیچه، اسرائیل مارچ آیی‌نینگ یریمی‌دن ۹-اپریل‌گچه، نوار غزه‌نینگ تورلی بولیم‌لری‌گه ۳۶ هوا هجومی اویوشتیرگن.
مذکور نهاد‌نینگ کوپه‌یتیریشیچه، سونگی ۲۳ کونده اسرائیل‌نینگ غزه‌گه اویوشتیرگن هوا هجوملریده یالغیز باله‌لر و عیاللر اولیب و یره‌لنگن.
بیزلرنینگ فیسبوک صحیفه‌میزگه باش اورینگ!
بو بیلن بیرگه، فلسطین ساغلیق‌نی سقلش رسمی‌لری‌نینگ اعلام قیلیشیچه، اوتگن کونی اسرائیل آرقه‌لی غزه‌نینگ بیر قطار بولیم‌لری نشان‌گه آلینگنی عاقبتیده، کمیده ۲۰ کیشی قربان بولیب و بیر قطار کیشی یره‌لنگن.
اسرائیل ۱۸-مارچ، امریکا‌نینگ آتیش کیسین تکلیفی قبول قیلینیشی و گروگه آلینگن‌لر‌نینگ آزاد بولینیشی اوچون حماس‌‌گه باسیم کیلتیریش مقصد، غزه گه هجوم‌لری‌نینگ ینگی باسقیچی‌نی باشله‌گن.
بیزلرنینگ «ایکس» ترماغی ده هم تعقیب قیلینگ!
فلسطین ساغلیق‌نی سقلش وزیرلیگی، غزه گه اسرائیل هجوم‌لری‌نینگ ایکینچی باسقیچی باشلنگنی‌دن بویان، فلسطین‌لیک بیر مینگ ۵۴۲ کیشی قربان بولیب و اوچ مینگ ۸۰۰دن آرتیق کیشی یره‌لنگنی‌نی معلوم قیلگن.
بو وزیرلیک‌نینگ معلوماتی اساسیده، اسرائیل و حماس آره‌سیده اوروش باشلنگنی‌دن بویان، فلسطین‌لیک ۵۰ مینگ ۹۱۲ کیشی قربان بولیب و ۱۱۵ مینگ ۹۸۱ کیشی یره‌لنگن.
