فلسطین ده ساغلیقنی سقلش رسمیلرنینگ اعلام قیلیشلریچه، اسرائیل آرقهلی نوار غزهنینگ بیر قطار بولیملریگه اویوشتیریلگن هجوملر نتیجهسیده، کمیده ۸۵ کیشی قربان بولیب و اونلب کیشی یرهلنگن.
خلقارا ییتکرمهلرنینگ گزارش بیریشیچه، اوشبو کیشیلر اوتگن کون اسرائیل اردوسینینگ نوار غزه گه اویوشتیرگن هجوملریده قربان بولگنلر.
گزارشلر اساسیده، ییتی عیال و ایکی باله شامل بو کیشیلردن ۱۲ تهسی، فلسطینلیک آوارهلر حیات کیچیرهدیگن محل گه اوزگرگن جایگه اسرائیل اردوسینینگ اویوشتیرگن هجومی نتیجهسیده قربان بولگن.
بو بیلن بیرگه، اسرائیل غزه شهرینی نظارتیگه آلیش اوچون سعیوحرکتلرینی کوچهیتیرگن. بیرلشگن ملتلر تشکیلاتینینگ اعلام قیلیشیچه، اسرائیل غزه شهری یشاوچیلری آرهسیده «دهشت» یرهتیش و بو شهردن اونلب مینگ کیشینینگ چیقریشگه مجبور قیلماقده.
حماس و اسرائیل آرهسیده اوروش باشلنگنیدن قریب ایکی ییل بولیب و بو مدتده، غزه ده اوروشنینگ توختهتیلیشی اوچون خلقارا سعیوحرکتلر نتیجهسیز بولگن.
فلسطین ساغلیقنی سقلش وزیرلیگینینگ ایتیشیچه، حماس و اسرائیل آرهسیده اوروش باشلنگنیدن حاضرگچه فلسطینلیک ۶۵ مینگ ۴۱۹ کیشی قربان بولیب و ۱۶۷ مینگ ۱۶۰ کیشی یرهلنگن. شونینگدیک غزه دهگی اوروشده اسرائیللیک بیر مینگ ۱۳۹ کیشی هلاک بولگن.
