اوتگن کونی (۱۸-سنبله، سهشنبه)، قطر پایتختی دوحه شهریده حماسنینگ یوقاری مرتبهلی رهبرلر ییغیلیشیگه اسرائیلنینگ اویوشتیرگن هوا هجوملری، منطقهای و خلقارا کینگ کولملی عکسالعمللر بیلن روپهره بولگن. واشنگتننینگ اورته شرقدهگی اتفاقچیلریدن بیرینینگ حدودیگه قیلینگن هجوم، اوز توریده مثلسیز دیب ایتیلهدی.
خلقارا مناسبتلر بوییچه تدقیقاتچیلرنینگ ایشانچیگه کوره، تینچلیک مذاکرهلری جریانیده اسرائیلنینگ مذکور هجوملری، نهفقط قطرنینگ ملی حاکمیتینی نقض قیلگن؛ بلکیم اسرائیل بیلن عرب مملکتلری علاقهلری عادیلنیشی همده آتیش کیسین تامینلنیشی و تینچلیک اوچون سعیوحرکتلرگه تاثیر قویهدی.
خلقارا مناسبتلر استادی مطیعالله آرینپورنینگ ایتیشیچه: «اسرائیل قطر توپراغیگه هجوم قیلیش و حماس رهبرلرینی نشانگه آلیش بیلن، نهفقط قطرنینگ ملی حاکمیتینی نقض قیلگن که برچه خلقارا قانونلرگه قرشی دیر، بلکیم منطقهای عادیلنیش و تینچلیک جریانینی هم جدی قیینچیلیک بیلن روپهره قیلگن. مقاومت محوری بیلن قطر مناسبتلری مستحکملهنیب، اسرائیل بیلن خوفسیزلیک همکارلیگی کمهیشی احتمالی بار. منطقهده اسرائیلگه قرشیلیک کوچهیهدی و شونینگدیک طرفسیز بیر واسطه صفتیده قطرنینگ دیپلماتیک موقعیتی دسیهلر و منطقهای پروسهلرده تغییر گه دوچ کیشی ممکن.»
والاستریت ژورنال کوندهلیگی بیر گزارش آرقهلی یازیشیچه، اسرائیل باشوزیری بنیامین نتانیاهو، سهشنبه کونی اوتکزیلگن ییغیلیش جریانیده اوشبو هجوم بویروغینی بیرگن. امریکا جمهور باشلیغی دونالد ترامپ، اسرائیلنینگ اویوشتیرگن مذکور هجومیگه عکسالعمل اولهراق ایتیشیچه، بو هجوم اسرائیل آرقهلی بیر تامانلمه شکلده عملگه آشیریلگن که بو هجوم هم اسرائیل همده امریکا فایدهسیگه ایمس.
لیکن اورته شرق بوییچه تدقیقاتچیلریدن محمدفایق هشامنینگ ایتیشیچه، دوحه گه اسرائیل هجومی امریکانینگ معلوماتی یاردمی بیلن صورت تاپگن و او، غزه ده تینچلیک مذاکرهلری جریانینی بوزیش توغریسیده سعیوحرکت دیر. «قطرنینگ دوحه شهریده حماسنینگ مذاکره قیلووچی اعضالری ییغیلیشیگه اسرائیلنینگ هوا هجومی، ینه بیر مرته مذاکرهلرنینگ بوزیش توغریسیده اسرائیلنینگ اقدامینی کورستگن و بو هجوم امریکا ریجهسینینگ حماس آرقهلی تیکشیریلیشی جریانیده عملگه آشیریلگن.»
قطر، مذکور هجوممی «دولتی ترورچیلیک» دییش بیلن اورغولشیچه، بو مملکت توپراغی امنیتی حقیده جیم تورمهیدی. خلقارا مناسبتلر استادی حبیبالله جعفری، مذکور هجومنینگ حماس بیلن علاقهسی بولگن مملکتلر اوچون بیر آگاهلنیتریش دیگن. اونینگ کوپهیتیریشیچه، انه شوو سبب قطر اسرائیلنینگ اوشبو هجومی گه قرشی جدی و عملی عکسالعمل بیرمهیدی.
اونینگ کوپهیتیریشیچه: «قطر رسمیلری جوابسیز قویمهیمیز دیگنلر، بیراق قطر ده امریکا پایگاهسینینگ ایران آرقهلی نشانگه آلینگنیده قطر بیر قارهلب قویگنی کبی اسرائیل گه قرشی هم فکر قیلمهیمن جدی عکسالعمل کورستسه. بو حماس بیلن علاقهسی بولگن باشقه مملکتلرگه بیر تهدید دیر. اسرائیلنینگ هجوملری اوزون مدتده تینچلیک پروسیهسیگه زیان ییتیشتیرهدی.»
منطقه و دنیا مملکتلری بیر-بیریدن کیین، قطر گه اسرائیلنینگ اویوشتیرگن هجوملرینی قارهلهگن؛ لیکن بو آرهده، اروپا بیرلشمهسی عکسالعملی انیقراق بولگن. مذکور بیرلشمهنینگ ایتیشیچه، دوحه گه اسرائیل هجومی قطر توپراغی و خلقارا حقوقنی نقض قیلهدی و منطقهده کیسکینلیکلرنی کوپهیتیرهدی.
شونینگدیک افغانستان اسلام امیرلیگی هم بیر بیانیه ترقهتیش بیلن، دوحه گه اسرائیل هجومی و حماس رهبرلرینینگ نشانگه آلینگنینی قطر حاکمیتینی نقض قیلیش دیب و اونی قارهلهگن.
اسلام امیرلیگی سوزلاوچیسی اورینباسری حمدالله فطرت، اسرائیلنینگ اوشبو اقدامینی شفقتسیز و برچه انسانی اصولگه ضد دیب و ایتیشیچه، اسرائیل تکرار شکلده و جوده جسارت بیلن قبول قیلینگن انسانی و سیاسی موضوعلرنی نقض قیلیب و دایمی روشده جنایتلرنی انجام بیرماقده.
