سپاه پاسداران بیر بیانیه آرقه‌لی اعلام قیلیشیچه، حماس نینگ سیاسی دفتری باشلیغی اسماعیل هنیه تهران ده هجوم آستیده قرار تاپیب و اولدیریلگن.
ایسنا آژانسی، سپاه پاسداران نینگ عمومی علاقه‌لریدن نقل قیلیب گزارش بیریشیچه، هنیه بیلن قوریقچیلریدن بیری بوگون ایرته‌لب (چهارشنبه، ۱۰-اسد)، تهران ده حیات کیچیره‌دیگن محل‌ده اولدیریلگن.
بیزلرنینگ فیسبوک صحیفه‌میزگه باش اورینگ!
سپاه پاسداران نینگ بیانیه‌سیده کیلیشیچه: «حماس نینگ سیاسی دفتری باشلیغی اسماعیل هنیه بیلن قوریقچیلریدن بیری، تهران ده حیات کیچیره‌دیگنلری محل‌ده شهید بولگنلر.»
سپاه پاسداران نینگ کوپه‌یتیریشیچه، بو واقعه نینگ سببی تیکشیروو آستیده قرار تاپیب و اونینگ نتیجه‌سی ایسه اعلام بولیشی ممکن.
بیزلرنینگ «ایکس» ترماغی ده هم تعقیب قیلینگ!
شونینگدیک رویترز آژانسی نینگ گزارش بیریشیچه، حماس گروهی بیر بیانیه‌ده اوشبو گروه نینگ سیاسی دفتری باشلیغی اسماعیل هنیه اولیمی نی تصدیق قیلگن.
حماس نینگ سیاسی دفتری باشلیغی اسماعیل هنیه، اوتگن کونی، ایران ینگی جمهور باشلیغی مسعود پزشکیان نینگ آنت ایچیش مراسمی گه شرکت قیلیش مقصد، مذکور مملکت گه کیتگن ایدی.
