سرپرست حکومت سوزلاوچیسی ذبیح‌الله مجاهد‌نینگ سلام‌وطندار گه ایتیشلریچه، اسلام امیرلیگی اوزبیکستان بیلن اقتصادی و سیاسی مناسبتلری کینگه‌یشی‌نی ایسته‌یدی.
بیزلرنینگ فیسبوک صحیفه‌میزگه باش اورینگ!
مجاهد، بوموضوع‌نی بوگون (۱۳-حمل، چهارشنبه)، اوزبیکستان جمهور باشلیغی شوکت میرضیایف بیاناتی‌گه جواب اوله‌راق بیان قیلیب و کوپه‌یتیریشیچه، بو مملکت بیلن مناسبت‌لر یقین‌لیگی افغانستان اوچون اونملی دیر. «اوزبیکستان جمهور باشلیغی‌نینگ بیاناتی‌دن منت‌دارچیلیک بیلدیره‌میز؛ حقیقتاً اوتگن ییل‌لرده ایکی مملکت اینیقسه دیپلماتیک علاقه‌لر و اقتصاد بولیم‌لریده یخشی مناسبت‌لرگه ایگه ایدی و بیزلر مناسبت‌لر‌نینگ ینه هم کوپه‌یشینی ایسته‌یمیز؛ ایکی مملکت منفعت‌لری‌نینگ محفوظ قالیشی کیره‌ک.»
اسلام امیرلیگی سوزلاوچیسی‌نینگ اورغولشیچه، افغانستان و اوزبیکستان قوشمه فرهنگی، تجاری و تیل قدریت‌لری‌گه ایگه بولیب و بو قدریت‌لر‌نینگ کوچلنیشی اوچون یخشی‌راق قرارلر آلینیشی‌گه نیاز بار.
بیزلرنینگ «ایکس» ترماغی ده هم تعقیب قیلینگ!
ینگی‌لیکده اوزبیکستان جمهور باشلیغی، مملکتی دایم افغانستان گه نسبت حقیقی و ایجابی یانده‌شووگه ایگه بولگنی و قوشنی مملکت‌لر بیلن ایجابی تعامل بولمسدن افغانستان‌نینگ رواجلنیشی امکان‌سیزلیگی‌نی ایتگن.
