افغانستان چیگره یولی‌دن مخدره ماده قاچاقی خصوصیده ایران رسمی‌لری نینگ خواطریدن کیین، بو مرته ایران اسلامی جمهوریتی چیگره قوماندانی احمد‌علی گودرزی، اوتگن کون (یک‌شنبه، ۲۹-میزان)، ایرانا آژانسی بیلن اوتکزگن صحبت‌لریده، ایران گه قاچاق بوله‌دیگن مخدره ماده‌دن ۸۰ فایزی نینگ افغانستان و پاکستان چیگره یوللریدن صورت تاپه‌‌دی دیگن.
شونده‌ی بیرحالده، اسلام امیرلیگی سوزلاوچیسی ذبیح‌الله مجاهد، ایران چیگره قوماندانی نینگ بو بیاناتی گه قرشی عکس‌العمل کورستیب و ایتیشیچه، افغانستان اوزی مخدره ماده قربانی‌سی دیر و اونینگ قاچاقی آلدی آلینیشی اوچون کیره‌کلی چاره-تدبیرلر آلینگن. جناب مجاهد، مخدره ماده قاچاقی بیلن قرشی کوره‌ش اوچون تورلی مملکت‌لردن همکارلیک ایسته‌گن.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «شونینگدیک قاچاق قربانی‌بولگن افغانستان نینگ تورلی بولیم‌لریده، کیره‌کلی اقداملر صورت تاپگن که، نرسه‌لر، مخدره ماده‌لر و انسانی قاچاق آلدی آلنسه و بو توغریده همکارلیککه نیاز بار. ایران نینگ زیان کورگنی کبی افغانستان هم زیان کورگن و قاچاق نینگ هر طرف‌دن تقیق‌لنیشی کیره‌ک. بو توغریده سعی‌وحرکت قیلگن‌میز و قیله‌میز، بیراق همکارلیککه نیاز بار. مملکتلر نینگ بیر بیری بیلن همکار بولیشی کیره‌ک و بو توغریده افغانستان متعهد دیر.»
عین حالده، خلق‌ارا رابطه‌لر بیلرمانلریدن قطاری نینگ ایشانچی گه کوره، مملکتلر آره‌سیده مخدره ماده قاچاقی آلدی آلینیشی اوچون قوشمه چیگره کوچلری نینگ شکل‌لنیشی کیره‌ک.
خلق‌ارا رابطه‌لر بیلرمانلریدن عنایت‌الله همام نینگ ایتیشیچه: «مخدره ماده گه قرشی کوره‌ش اوچون قوشمه چیگره پولیسی ایجاد بولیشی توغریسیده قوشمه بیر توافق بولسه که بو رقم واقعه‌لر آلدی آلینسه.»
بیزلرنینگ فیسبوک صحیفه‌میزگه باش اورینگ!
ایرنا آژانسی نینگ گزارشی اساسیده، ایران چیگره کوچلری «تایباد» منطقه‌سیده هروئین و تریاک تیپی‌دن عبارت بولگن ۴.۳ کیلوگرام مخدره ماده قاچاقی عیبی بیلن افغانستان‌لیک بیش کیشی نی قولگه آلگن.
ایتیش کیره‌ک که، بوندن آلدین بیرلشگن ملتلر تشکیلاتی افغانستان ده مخدره ماده گه تیگیشلی واقعه‌لر نینگ ۹۷ فایز کوپه‌یگنی نی ایتگن.
