میلادی ۲۰۲۲_ییل ۱۶ نوامبر ده بولیب اوتگن مسکو فرمت ییغیلیشی ده؛ افغانستان ده همه شمول حکومت شکللنمسلیگی اوچون سرپرست حکومت نماینده‌سی اوشبو ییغیلیش ده چقیریلمه‌گن ایدی.
مذکور ییغیلیش ده افغانستان ده‌گی وضعیت اینیقسه عصیانچی گروه‌لر تهدیدی دن جدی خواطر بیلدیریلگن ایدی؛ شو بیلن هم مملکت ده حاضرگچه نه فقط همه شمول حکومت شکللنمه‌گن بلکه مسکو فرمت ییغیلیشی ده اشتراک ایتگن‌لر نینگ خواطرلری گه دقت قیلینمه‌گن، بیراق مسکو فرمت کیله‌سی ییغیلیشی ده سرپرست حکومت نماینده‌سی چقیریلگن.
بیزلرنینگ فیسبوک صحیفه‌میزگه باش اورینگ!
تشقی ایشلر وزیرلیگی، اسلام امیرلیگی تشقی ایشلر وزیرلیگی سرپرستی امیرخان متقی بیلن افغانستان اوچون روسیه ایلچیسی دیمیتری ژیرنوف نینگ ملاقاتی گه دایر ترقه‌تگن بیانیه‌سی اساسیده، اوشبو اوچره‌شووده روسیه ایلچیسی اسلام امیرلیگی تشقی ایشلر وزیرلیگی سرپرستی نی مسکو فرمت کیله‌سی ییغیلیشی ده چقیرگن.
تشقی ایشلر وزیرلیگی سوزلاوچیسی نینگ اورین باسری ضیااحمد تکل نینگ ایتیشیچه: «متقی جنابلری روسیه تکلیفی دن منتدارلیک بیلدیریب و مسکو فرمت ییغیلیشی، منطقه اولکه‌لری نینگ اویغون‌لیگی اوچون مهم ایکنینی تأکیدله‌دی.»
قطار ایش بیلرمان‌لر نینگ ایشانچی گه کوره، روسیه سرپرست حکومت نی مسکو فرمت ییغیلیشی ده چقیریش بیلن، افغانستان تامانیدن بولگن خواطرلری و طلب‌لرینی یوزمه_یوز اسلام امیرلیگی رسمی‌لری بیلن بحث گه آلیشنی ایسته‌یدی.
سیاسی ایش بیلرمان طارق فرهادی نینگ ایتیشیچه: «قوشنی اولکه‌لر نینگ عصیانچی گروه‌لردن بولگن تهدیدلری گه دقت قیلینمه‌گن، اولر یوزمه_یوز پیام‌لرینی ییتکیزیشنی ایسته‌یدی و مناسبت‌لر حاضرگچه یخشی بولمه‌‌گن.»
ایش بیلرمان‌لردن باشقه بیرقطاری نینگ ایشانچی گه کوره، مسکو ییغیلیشی ده سرپرست حکومت نماینده‌سی چقیریلیشی مهم دیر و اولر مذکور ییغیلیش ده افغانستان ده‌گی وضعیت حلی اوچون عملی قرارلر آلینیشنی ایسته‌یدیلر.
بیزلرنینگ توییترده هم تعقیب قیلینگ!
سیاسی ایش بیلرمان باقر محسنی گه کوره، خلق‌ارا مقیاس ده افغانستان نینگ سیاسی قیینچیلیگینی حل قیلیش اوچون باش اول مملکت ایچکی قیینچیلیک‌لری حل ایتیلیشی کیره‌ک.
او نینگ کوپه‌یتیریشیچه: «افغانستان ایچکی سیاسی قیینچیلیک‌لری حل بولمه‌گونچه، خلق‌ارا مقیاس ده نظام قیینچیلیک‌لری حل بولمه‌یدی.»
مسکو ییغیلیشی، میلادی ۲۰۱۷ ییل دن بیری افغانستان قیینچیلیک‌لری حلی اوچون، منطقه و افغانستان بیلن قوشنی اولکه‌لر نماینده‌لری نینگ اشتراکی بیلن یولگه قوییله‌دی.
