دوشنبه کیچه، ۱۴ حمل، نیمروز مرکزی زرنج شهری حدودلریده، اسلام امیرلیگی کوچلری تامانیدن داعش گروهی جنگری‌لری گه قرشی اوتکزیلگن عملیات نیچه ساعت دوام تاپگن. بیراق مذکور عملیات نینگ قنده‌ی‌لیگی و تلفاتی حقیده حاضرگچه معلومات بیریلمه‌گن.
شو بیلن بیرگه، اسلام امیرلیگی بلخ ده داعش جنگری‌لری اوستیده باشقه عملیات یولگه قوییلگنیدن خبر بیرگن، بلخ امنیه قوماندان‌لیگی نینگ معلوماتی اساسیده، اوشبو عملیات ده داعش نینگ آلتی عضوی هلاک ایتیلگن.
بیر کون آلدین، اسلام امیرلیگی بلخ سابق حاکمی محمدداوود مزمل ترور ایتیلیشی شامل باشقه نیچه واقعه‌نی ریجه‌لشتیریش گه قولی بولگن عین‌الدین اسملی داعش اعضاسی، قولگه آلینگنیدن خبر بیرگن ایدی.
بیزلرنینگ فیسبوک صحیفه‌میزگه باش اورینگ!
شونینگدیک، اسلام امیرلیگی اوتگن ییلی ۶ و ۸ حوت ده، کابل و بلخ ده داعش گروهی نینگ قرارگاه‌لری اوستیده یولگه قوییلگن ایکی عملیات ده، اوشبو گروه نینگ تورت عضوی هلاک بولگنینی ایتگن.
اسلام امیرلیگی سوزلاوچیسی نینگ اورین باسرلریدن بلال کریمی، داعش گروهی برابری ده اسلام امیرلیگی نینگ عملیات‌لری خصوصیده سلام‌وطندار گه ایتیشیچه: «اسلام امیرلیگی کوچلری نینگ بوزغینچی گروه‌لر گه قرشی کوره‌شیشی، مملکت وضعیتی یخشی‌لیگی و مملکت توپراغیدن باشقه مملکت‌لر گه قرشی هجوم قیلیش رخصتی بیریلمسلیگیدن دلالت بیره‌دی.»
اسلام امیرلیگی داعش جنگری‌لری گه قرشی عملیات یولگه قوییلیشیدن عین‌حالده خبر بیرماقده که، داعش سونگی بیر آی ده بلخ و کابل ده اوچ هجوم اویوشتیرگن.
عین‌حالده، حربی ایش بیلرمان اسدالله ندیم، داعش گروهی برابری ده اسلام امیرلیگی نینگ سیاست‌لریدن تنقید قیلیب ایتیشیچه، افغانستان ده داعش حضوری شکلده فعالیت قیلماقده.
اسدالله ندیم نینگ ایتیشیچه: «افغانستان ده داعش نینگ فعال حضوری بار، داعش برابری ده اسلام امیرلیگی نینگ حرکتی مسلکی و فنی ایمس، بولر بیر تاماندن انکار قیله‌دیلر و باشقه تاماندن اولر گه قرشی عملیات یولگه قوییشه‌دی.»
بیزلرنینگ توییترده هم تعقیب قیلینگ!
شو بیلن بیرگه، جهان اینیقسه بیرلشگن ملت‌لر تشکیلاتی خوفسیزلیک کینگشی، جمعی خوفسیزلیک اتفاقی تشکیلاتی، امریکا و روسیه، سونگی آی‌لرده افغانستان ده داعش نینگ فعال حضوری و تهدیدلریدن خواطر بیلدیرگنلر، بیراق اسلام امیرلیگی حاضرگچه اوشبو خواطرلرنی کمه‌یتیریب و دنیا مملکت‌لرینی قانیقتیره آلمه‌گن.
ایش بیلرمان‌لر نینگ ایشانچی گه کوره، اسلام امیرلیگی افغانستان ده داعش نی یوق ایتیش اوچون، دنیا و منطقه اولکه‌لری بیلن هماهنگ بولیشی کیره‌ک.
امنیتی ایش بیلرمان صادق شینواری نینگ ایتیشیچه: «پرده آرقه‌سیده بعضی موضوع‌لر بار، اسلام امیرلیگینی داعش برابریده ضعیف کورسه‌تیشنی ایسته‌یدیلر.»
عین‌حالده، اسلام امیرلیگی هردایم مملکت ده عصیانچی گروه‌لر نینگ کوچله‌نیشی گه دایر خواطرلر گه جواب، اوشبو گروه‌لر نینگ یوق ایتیش اوچون جدی سعی‌وحرکت قیله‌یاتگنلریدن ایشانچ بیرگنلر.