تشقی ایشلر وزیرلیگی نینگ ایتیشیچه، اسلام امیرلیگی مستقل بیر اولکه اوچون فلسطین نینگ مقاومتی و مدافعه‌سی نی قوللب-قوتله‌یدی.
مذکور وزیرلیک شنبه کیچه، ۱۶-میزان، «ایکس» صحیفه‌سیده یازیشیچه، مستقل بیر اولکه گه ایگه بولیش اوچون فلسطین یشاوچیلری نینگ قانونی و تاریخی مقاومتی‌دن قوللب-قوتله‌یدی.
تشقی ایشلر وزیرلیگی اسلامی مملکت‌لر اینیقسه اسلامی همکارلیک تشکیلاتی و دنیا جماعه‌سیدن، فلسطین گه اسرائیل نینگ ظلمی آلدی آلینیشی‌نی ایستهگن.
بیزلرنینگ «ایکس» ترماغی ده هم تعقیب قیلینگ!
اوشبو وزیرلیک نینگ خبرنامه‌سیده کیلیشیچه: «افغانستان اسلام امیرلیگی، فلسطینلیکلر نینگ تاریخی اولکه‌سیده مستقل بیر مملکت گه ایگه بولیش اوچون فسطین یشاوچیلری نینگ مشروع، تاریخی و قانونی حقیدن، قوللب-قوتله‌ش نی اعلام قیله‌دی و اسلامی مملکت‌لردن فلسطین نینگ بی‌گناه یشاوچیسی برابریده اسرئیل اشغال قیلووچی کوچلری نینگ زوره‌وانلیگی آلدی آلینیشی و فلسطینلیکلر نینگ مشروع حقی بیریلیشی اساسیده، فلسطین قضیه‌سی حلی اوچون بیر ایش قیلیش‌لری نی ایستهگن.»
عین حالده، حماس گروهی اوتگن کون کوتیلمه‌گن بیر هجوم‌ده، اسرائیل تامان مینگ‌لرچه راکت آتگن و مذکور مملکت نینگ اونلب یشاوچیسی هلاک بولگن.
شونینگدیک حماس گروهی نینگ اعلام قیلیشیچه، اولر نینگ بیر قطار اسرائیل‌لیک عسکرلری و حربی موترلری نی اسیر آلیب و ۲۵۰ کیشی جمله‌دن تینچ‌اهالی و عسکر، مذکور موشکی هجوم‌لرده هلاک بولگن.
بیزلرنینگ فیسبوک صحیفه‌میزگه باش اورینگ!
اوتگن کیچه، اسرائیل، فلسطینلیک اونلب کیشی نینگ اولیمی گه سبب بولگن حماس نینگ موشکی هجوم‌لری گه قرشی جواب بیریش‌ده غزه نی بمب‌باران قیلگن.
الجزیره خبری ترماغی نینگ گزارشی اساسیده، اسرائیل نینگ مذکور هجوم‌لریده، ۲۳۰دن آرتیق فلسطینلیک یشاوچی اولیب و کوپینچه کیشی ایسه یره‌لنگن.
اسرائیل گه حماس نینگ اوشبو هجومی، اوتگن ۵۰ ییل‌ده نظیری کوریلمه‌گن دییلگن.
