اسلام امیرلیگی استخباراتی اوتگن ایکی هفته جریانیده، قندوز، قندهار، پکتیا، غزنی و ننگرهار ولایت‌لریدن توقیز خبرچی نی قولگه آلیب و کابل گه انتقال بیرگن دیر. اسلام امیرلیگی حاضرگچه اوشبو خبرچیلر نینگ قولگه آلینیش سببی نی بیان قیلمه‌ی، شونینگدیک اولر نینگ تقدیری خصوصیده هم هیچ نرسه ارائه قیلمه‌گن.
افغانستان ایرکین میدیالریدن حمایت قیلووچی نهاد (نی) مسئولی ظریف کریمی، ولایت‌لردن قولگه آلینگن خبرچیلر نینگ کابل گه انتقال بیریلگنی نی تصدیق‌لب ایتیشیچه: «قیغو بیلن خبرچیلر نینگ قوییب یوباریلیشی خصوصیده هیچ معلومات یوق. سعی و حرکت قیلدیک، بیراق مسئوللر آرقه‌لی بو توغریده هیچ بیر پیشرفت یوق، قیغو بیلن قولگه آلینگن خبرچیلر، کابل گه انتقال بیریلگن.»
بیزلرنینگ فیسبوک صحیفه‌میزگه باش اورینگ!
عین حالده، قندوز و بدخشان ولایتیلری‌ده سلام‌وطندار نینگ محلی خبرچیسی عبدالحسیب حساس، اسلام امیرلیگی تامانیدن قولگه آلینگن خبرچیلردن بیری دیر. جناب حساس نینگ عایله‌سی اونینگ اسلام امیرلیگی تامانیدن کابل گه انتقال بیریلگنی نی تصدیق‌لب ایتیشلریچه، حسیب حساس نینگ قولگه آلینگنی‌دن ایکی هفته اوتگنی بیلن؛ بیراق عایله‌سی یالغیز بیر مرته اونینگ کوره آلگنلر.
عبدالحسیب حساس ایناغه‌سی حکیم حساس نینگ ایتیشیچه: «حسیب نینگ وضعیتی‌دن خبری‌میز یوق، ایکی هفته جریانیده آته‌م بیر مرته بیر دقیقه حسیب حساس بیلن گپ‌لش‌دی. گپ‌لشگنی پیتده هم روحی وضعیتی یخشی ایمس ایدی و کابل گه انتقال بیریلگن‌دن ایکی کون بوله‌دی.»
شونینگدیک قندهار ولایتی‌ده قولگه آلینگن خبرچیلردن عطاءالله نینگ ایناغه‌سی نوراحمد نینگ ایتیشیچه، حاضرگچه ایناغه‌سی نی صحبت قیلیش گه موفق بولمه‌گن. او مذکور خبرچیسی عایله‌سی نینگ خواطری خصوصیده ایتیشیچه: «تیزللیکه قوییب یوباریلیشی نی ایسته‌یمیز، اوتگن کون عایله‌سی نی یانیگه باردیم باله‌لری آته‌سی نینگ یانیگه آلیب بارینگ دیب ییغلب یاتگن ایدی. اوی‌ده برچه عایله اعضاسی خواطرده و او یالغیز عایله سرپرستی دیر.»
شونده‌ی بیرحالده، ینگی‌لیکده ایران مملکتی نینگ تسنیم آژانسی عکاسی محمد حسین ولایتی، اسلام امیرلیگی تامانیدن قولگه آلینگن. افغانستان خبرچیلری مرکزی تامانیدن ترقه‌لگن آمار اساسیده، حاضر ایسه ۱۳ خبرچی اسلام امیرلیگی تامانیدن قولگه آلینگن دیر.
معلومات و مدنیت وزیرلیگی نینگ نشرات ایشلری معینی حیات‌الله مهاجر فراهی نینگ ایتیشیچه، اوشبو خبرچیلردن کوپینچه‌سی اسلام امیرلیگی گه قرشی تشکیلات‌لر بیلن رابطه عیبی گه قولگه آلینگنلر.
بیزلرنینگ توییترده هم تعقیب قیلینگ!
او سلام‌وطندار بیلن اوتکزگن صحبت‌لریده کوپه‌یتیریشیچه: «اولردن کوپینچه‌سی ظاهر‌ده خبرچی ایدی، بیراق حقیقت‌ده مطبوعات بیلن ایشلمه‌یدیلر، بلکیم بیر قطار آدرس‌لر بیلن توزوم نینگ بوزیش و ملی منفعت‌لر گه قرشی بولگنلر بیلن ایش قیله‌ر ایدیلر.»
ایتیش کیره‌ک که، اسلام امیرلیگی بوندن آلدین نیچه مرته مملکت‌ده میدیالر فعالیتی‌دن اوشبو حکومت نینگ حمایتی خصوصیده ایشانچ بیرگن دیر.
