سونگی کون‌لرده افغانستان ده عصیانچی گروه‌لر نینگ جدی توقنشووی و عملیاتی حقیده معلومات بیریلمه‌گن بولسه ده، بیراق منطقه مملکت‌لردن بیرقطاری حاضر هم افغانستان ده عصیانچی گروه‌لر نینگ حضوری بارلیگیدن خواطر بیلدیرماقده‌لر.
اوشبو خواطرلر دوامیده، قزاقستان ملی خوفسیزلیک کمیته‌سی اورین باسری روسلان سیسمبایف، شانگهای همکارلیک‌لر تشکیلاتی نینگ جمعه کونی، ۱۷ سنبله/ ۸ آگست ییغیلیشیده افغانستان ده داعش نینگ خراسان بولیمی کوچه‌یب و جنگری‌لری سانینی ۵۰۰ دن آلتی مینگ گه کوپه‌یتیریش بیلن منطقه مملکت‌لر خوفسیزلیگی اوچون جدی تهدید گه اوزگرنینی ادعا قیلگن.
بیزلرنینگ فیسبوک صحیفه‌میزگه باش اورینگ!
اسلام امیرلیگی اوشبو ادعا نی رد قیلیب، افغانستان هیچ بیر مملکت خوفسیزلیگی اوچون تهدید ایمسلیگیدن ایشانچ بیرگن.
اسلام امیرلیگی سوزلاوچیسی اورین باسری بلال کریمی نینگ سلام‌وطندار گه ایتیشیچه: «اسلام امیرلیگی وضعیت نی بوتونلی کنترول قیلگن و باشقه زمان‌لر گه قره‌گنده افغانستان بویلب خوفسیزلیک تأمینلنگن، بوتوغریده بیان بوله‌دیگن سوزلر ناتوغری دیر و هیچ حجت‌لری یوق.»
قزاقستان ملی خوفسیزلیک کمیته‌سی اورین باسری، اوز بیانات‌لریده داعش کبی عصیانچی گروه‌لر کوچه‌یشی افغانستان ده شانگهای همکارلیک‌لر تشکیلاتی گه اعضا مملکت‌لر نینگ اقتصادی پروژه‌لری عملگه آشیریلیشی برابری ده تهدید بولیشیدن آگاه‌لنتیرگن.
ایش بیلرمان‌لر نینگ ایشانچی گه کوره، اسلام امیرلیگی نینگ مفکوره‌وی جدی اقدام‌لری و اوشبو حکومت نینگ القاعده کبی بیر قطار گروه‌لر بیلن مثل‌سیز مناسبتی باعث، اولکه‌لر حاضرگچه اسلام امیرلیگی نینگ عصیانچی گروه‌لر یوق ایتیلیشی گه دایر سوزلری گه ایشانمه‌یدیلر.
بیزلرنینگ توییترده هم تعقیب قیلینگ!
حربی ایش بیلرمان اسدالله ندیم نینگ ایتیشیچه: «اسلام امیرلیگی نینگ اسلوب و سیاستی باعث حاضرگچه قطار اولکه‌لر خوفسیزلیک‌لریدن خواطر بیلدیره‌دیلر. اسلام امیرلیگی تامانیدن قیزلر گه تحصیل و عیاللر گه ایش حقی بیریلمسلیگی، اوشبو حکومت‌لر نینگ خواطری گه سبب بولگن موردلردن دیر.»
خلق‌ارا مناسبت‌لر ایش بیلرمانی شمشاد عزیز کاظمی گه کوره: «اوتمیش ده اسلام امیرلیگی نینگ القاعده بیلن صمیمی مناسبتی بارلیگی، منطقه مملکت‌لر اسلام امیرلیگی نینگ سوزلری و ایشانچ‌لری گه ایشانمسلیک‌لری گه سبب بولگن.»
شو بیلن بیرگه، «سی‌ان‌ان» ترماغی، امریکا استخباراتی ایکی ییریک مقامی دن نقل قیلیب افغانستان ده القاعده قیته دن کوچه‌‌یش احتمالی بارلیگینی معلوم قیلگن.
