اسلام امیرلیگی ینگی‌لیکده، چیت ایل مملکت‌لرده افغانستانلیک قاچقینلر نینگ حقوقی دن دفاع قیلووچی کمیته توزه‌تگن.
اسلام امیرلیگی مسئوللری گه کوره، اوشبو کمیته قاچقینلر نینگ اساسی حقوقی تامین ایتیلیشی بولیمیده اولر نینگ قیینچیلیگی نی قانونی لحاظ دن تیکشیریش گه مسئول دیر.
اسلام امیرلیگی سوزلاوچیسی نینگ اورین باسرلری دن بلال کریمی نینگ سلام‌وطندار گه ایتیشیچه: «قوشنی اولکه‌لرده افغانستانلیک قاچقینلر نینگ مدنی، عایله‌وی یا که خصوصی حقوقی ایاغ آستی بوله‌دی، قانونی لحاظ دن بو قیینچیلیک‌لرنی تیکشیریش اوچون کمیته توزه‌تیلیشی کیره‌ک.»
بیزلرنینگ فیسبوک صحیفه‌میزگه باش اورینگ!
افغانستان انچه ییل دن بیری دنیا بویلب اینگ مهاجری کوپ بولگن اولکه‌لردن سنله‌دی، حاضرگی کون ده اوشبو مملکت نینگ بیش میلیون دن آرتیق فقراسی پاکستان و ایران ده حیات کیچیریب کیلماقده. اولر اجتماعی خذمت‌لر دن فایده‌لنه آلمسلیک و بشر حقلری نقض ایتیلیش قیینچیلیگی بیلن روپه‌ره‌لر.
بیلرمان‌لر نینگ ایتیشلریچه، ایران و پاکستان کبی قطار اولکه‌لر ده افغانستان فقرالری نینگ قیینچیلیک‌لری حلی اوچون کمیته ایجاد ایتیلیشینی ضروری بیله‌دیلر، بیراق حاضرگی شرایط ده قاچقینلر نینگ قیینچیلیگی حلی اوچون بو کبی کمیته‌لر نینگ تاثیرچن‌لیگیگه ایشانمه‌یدیلر.
حقوق ایشلری بوییچه ایش بیلرمان سبحان مصباح، دنیا همجمعیت تامانیدن اسلام امیرلیگی تن آلینمسلیگی و خلق‌ارا کنوانسیون‌لر ده ایران و پاکستان حکومت‌لری نینگ جواب‌گرلیککه حاضر بولمسلیک‌لرینی، اوشبو کمیته اونگیده‌گی قیینچیلیک‌لردن عنوان قیله‌دی.
اونگه کوره: «بو کبی کمیته‌لر نینگ فعالیتی و تاثیری مهم دیر، افسوس بیلن دنیا همجمعیت تامانیدن اسلام امیرلیگی تن آلینمسلیگی حقوقی نقطه‌ی نظر دن بو کمیته‌لر اوستیگه سلبی تاثیر قیله‌دی.»
بیزلرنینگ «ایکس» ترماغی ده هم تعقیب قیلینگ!
باشقه تاماندن، ایش بیلرمان‌لر نینگ ایشانچی گه کوره، قوشنی مملکت‌لر اسلام امیرلیگیی اوستیگه طلب‌لرینی عملگه آشیریش اوچون قاچقینلر دن باسیم اوله‌راق قوللـه‌نیش‌لری، بو کمیته‌لر نینگ اوستیگه سلبی تاثیر قیله‌دی.
خلق‌ارا ایش بیلرمان محمدباقر محسنی گه کوره، حاضرگی وضعیت دن قوتیلیش اوچون اسلام امیرلیگی مملکت ده‌گی قیینچیلیک‌لر حلی و بیکار کیشی‌لر گه ایش زمینه‌سینی یره‌تیش اوچون سعی‌وحرکت قیلیشی کیره‌ک.
او نینگ ایتیشیچه: «اسلام امیرلیگی اساسی و بنیادی ایش‌لر گه دقت قیلیشی کیره‌ک، اقتصادی و اجتماعی معمالر حلی اوچون تلاش قیلیشی درکار.»
سرپرست حکومت کابینه‌‌سی توزیلمه‌سیده قاچقینلر وزیرلیگی، ایران و پاکستان دن افغانستانلیک قاچقینلر نینگ جبر دن چیقرمسلیک‌لری اوچون مذاکره‌لری نتیجه بیرمه‌ی و حاضرمینگلب عایله مذکور ایکی مملکت دن جبری روش ده چیقریله‌یاتگن بیر حالده، قاچقینلر نینگ حقوقی دن دفاع قیلووچی کمیته توزه‌تیلگن.
