افغانستاننینگ اوچ ولایتیگه پاکستان آرقهلی اویوشتیریلگن هوا هجوملریدن سونگ، اسلام امیرلیگی درست بیر وقتده بو جنایتگه جواب بیریلیشینی معلوم قیلگن.
اسلام امیرلیگی سوزلاوچیسی ذبیحالله مجاهد، بوگون (۴-قوس، سهشنبه)، بیر بیانیه آرقهلی یازیشیچه، اسلام امیرلیگی افغانستان اهالیسی و توپراغیدن دفاع قیلیشنی اوز حقی بیلهدی. «پکتیکا، خوست و کنر گه پاکستان کوچلرینینگ هوا هجوملری، افغانستان هوا حریمینی بوزیش دیر و پاکستان ادارهسی تامانیدن قبول قیلینگن برچه خلقارا قانون-قاعده گه ضد حسابلنهدی.»
مجاهدنینگ کوپهیتیریشیچه، پاکستان هجوملری ناتوغری معلومات اساسیده عملگه آشیریلیب، بو مملکت حربیسینینگ شرمندهلیگی و وضعیتنی قیینلشتیریشدن باشقه هیچ قندهی نتیجه بیرمهیدی.
پاکستان حربیسی، بوگون ایرتهلب خوست، کنر و پکتیکا ولایتلریگه هوا هجومی اویوشتیرگن که نتیجهده، توقیز باله شامل ۱۰ کیشی «شهید» و تورت کیشی یرهلنگن.
پاکستاننینگ بوگونکی هجوملری، اسلام امیرلیگی بیلن مذاکرهلری توختهتیلگنیدن کیین بو مملکتنینگ بیرینچی هجومی دیر.
