اسلام امیرلیگی ایش و اجتماعی ایشلر وزیری عبدالمنان عمرینینگ ایتیشیچه، ایران ده افغانستانلیک ایشلاوچیلر وضعیتینینگ قانونی بولیشی کیرهک.
ایش و اجتماعی ایشلر وزیرلیگی، بوگون (۲-قوس، یکشنبه)، اکس صحیفهسیده بیر بیانیه آرقهلی یازیشیچه، عمری بو موضوعنی کابل ده ایران ایلچیسی علیرضا بیکدلی بیلن اوچرهشگنیده بیان قیلیب و ایتگن که، ایران ده افغانستانلیک ایشلاوچیلر وضعیتی قانونی بولیشی، اولرنینگ قیینچیلیکلری حلیگه یاردم بیرهدی.
ایش و اجتماعی ایشلر وزیریگه کوره، افغانستان و ایران آرهسیده اقتصادی و سوداگرلیک مناسبتلر مستحکملنیشی اوچون ینگی امکانیتلر توغریسیده ایشلهنیشگه نیاز بار.
بیانیه اساسیده، ایکی تامان اوشبو اوچرهشووده افغانستان ده مسلکی و فنی تعلیملرنینگ قندهی یخشیلنیشی، ایش بوییچه همکارلیکلر رواجلنیشی و ایران ده افغانستانلیک قاچقینلر وضعیتی تیکشیریلیشی حقیده، صحبت قیلگنلر.
گرچند ایران دهگی ناقانونی افغانستانلیک ایشلاوچیلر سانی بیللی ایمس؛ لیکن بوندن آلدین مذکور مملکت، ایران دهگی چیت ایللیک ایش کوچلریدن کوپینچهسینینگ افغانستانلیکلر بولگنینی معلوم قیلگن ایدی.
