اسلام امیرلیگی سودا و صناعت وزیری نورالدین عزیزی، قزاقستان ملی اقتصاد وزیری و باشوزیری اورینباسری سریک ژومانگارین بیلن اوچرهشگن.
سودا و صناعت وزیرلیگی، بوگون (۷-عقرب، چهارشنبه)، اکس صحیفهسیده بیر بیانیه ترقهتیب یازیشیچه، نورالدین عزیزی و سریک ژومانگارین، سودا مناسبتلری مستحکملنیشی، تجارت میزانی آشیشی و ایکی تامانلمه همکارلیکلر برنامهسی عملگه آشیریلیشیگه تاکید قیلگنلر.
بیانیهده کیلیشیچه: «ایکی تامان نفت، بوغدای، اون و باشقه آزیق-آوقت محصوللری توغریسیده همکارلیکلر رواجلنیشینی سورهگن و شونینگدیک افغانستان دن قزاقستان گه زراعتی محصوللر صادر بولیشی اینیقسه پخته، همکارلیکنینگ اولویتلریدن بیری صفتیده بیان بولدی.»
سودا و صناعت وزیرلیگینینگ کوپهیتیریشیچه، اوشبو وزیرلیک وزیری قزاقستاننینگ آلماتا شهریده افغانستان محصوللری ساتیلیش مرکزی آچیلیشی و افغانستان آستقورمه لایحهلریده بو مملکتنینگ سرمایه کیریتیشگه توجه قرهتیشینی سورهگن.
اسلام امیرلیگی و قزاقستان، اوتگن تورت ییلده اقتصاد و تجارت بولیمیده یقین مناسبتی بولیب و ایکی تامان تجارت حجمینینگ ییلده اوچ میلیارد دالرگچه ییتیشتیریش اوچون سعیوحرکت قیلماقدهلر.
