روسیه، چین، ایران و پاکستان تشقی ایشلر و مدافعه وزیرلری، بیرلشگن ملتلر تشکیلاتی نینگ عمومی ییغیلیشی یانیده افغانستان وضعیتی گه دایر اۉتکزگن تورت تامانلمه ییغیلیش‌لریده، قۉشمه بیانیه صادر قیلیب افغانستانده داعش نینگ کوچه‌یش سعی-حرکت‌لریدن خواطر بیلدیرگنلر.
شو بیلن بیرگه، پاکستان باش وزیری شهباز شریف، بیرلشگن ملتلر تشکیلاتی نینگ ۷۹-عمومی ییغیلیشی و ایران تشقی ایشلر وزیری عباس عراقچی اوشبو ییغیلیش یانیده افغانستان وضعیتی گه دایر اۉتکزگن تورت تامانلمه ییغیلیشده، ېنه بیر مراتبه افغانستانده عصیانچی گروه‌لر فعالیت قیلماقده‌لیگینی ادعا قیلگنلر.
پاکستان و ایران نینگ اوشبو ییریک رسمی‌لری، داعش، القاعده و تی‌تی‌پی افغانستانده فعالیت قیلماقده‌لیگینی اېتگنلر.
بیزلرنینگ فیسبوک صحیفه‌میزگه باش اورینگ!
اسلام امیرلیگی اوشبو بیانات‌لر گه مناسبت بیلدیریب، افغانستان بیلن منطقه مملکت‌لر نینگ مثبت سیاستینی خوش قرشی‌لشگه قۉشیمچه، ترورچیلیک تهدیدلر یوق‌لیگیدن ایشانچ بیلدیرگن.
اسلام امیرلیگی سۉزلاوچیسی نینگ اورین باسری حمدالله فطرت گه کوره: «بیز منطقه مملکت‌لر نینگ مثبت سیاستینی خوش قرشی‌له‌یمیز، افغانستان هېچ بیر مملکت اوچون تهدید اېمس، بیز افغانستانده تشقی قوراللی گروه‌لر نینگ فعالیتی گه اېزین بیرمه‌یمیز و افغانستان توپراغی هېچ بیر مملکت اوچون تهدید اېمس.»
شونینگدیک، اسلام امیرلیگی بیلن یخشی مناسبتده بولگن روسیه، ایران، چین و پاکستان تورت تامانلمه ییغیلیشده، حاضرگی کونده اسلام امیرلیگی بیلن همکارلیک قیلیش اوچون مذاکره قیلیشدن باشقه یول یوق‌لیگینی معلوم قیلگنلر.
بیزلرنینگ «ایکس» ترماغی ده هم تعقیب قیلینگ!
اسلام امیرلیگی روسیه، چین، ایران و پاکستان نینگ بو گَل قرارینی خوش قرشی‌له‌گن و اسلام امیرلیگی سۉزلاوچیسی نینگ اورین باسری حمدالله فطرت گه کوره، سرپرست حکومت حاضرگی توسیق‌لر حل اېتیلیشی اوچون مذاکره طرفداری دیر.
خلق‌ارا مناسبت‌لر ایش بیلرمان‌لریدن ولی فروزان نینگ ایتیشیچه: «افغانستان بیلن مناسبتی بولیش گه طرفدار بولگن مملکت‌لر، تجارت، خوفسیزلیک و بنگی‌وار ماده‌لر قاچاقی کبی مسئله‌لرنی حل قیلیب و اسلام امیرلیگی بیلن مذاکره قیلیش‌لری کېره‌ک.»
شونینگدیک، خلق‌ارا مناسبت‌لر ایش بیلرمان‌لریدن باشقه بیری سیداکبر سیال نینگ کوپه‌یتیریشیچه: «همکارلیک اوچون قیینچیلیک حل اېتیلیشی تأکید بولگن حالده، همکارلیکنی هم شرطی بار بو مملکت‌لر نظرگه آلیشی درکار، همکارلیک ده صداقت و اخلاص بولیشی لازم.»
منطقه مملکت‌لر، اسلام امیرلیگی بیلن یقیندن همکارلیک قیلیب کېلماقده اېکن و سۉنگی اوچ ییلده اسلام امیرلیگی نینگ ایشانچ‌لری بیلن، حاضر هم افغانستانده ترورچیلیک تهدیدلر یوق‌لیگیگه ایشانمه‌یدیلر.
