اوزبیکستان ایلچیخانهسی و فاریاب آیدین خصوصی لیسهسی تشبثی بیلن، «بویوک متفکرلرنی ایسلب» تدبیر کابلده اوتکزیلدی.
اوشبو تدبیر، بوگون (۲۶ دلو/۱۵ فبروری، یکشنبه) کابلده اوزبیکستان ایلچیسی و دیپلماتلری، بیلیم یورت استادلری، تیل و ادبیات شیدالری اشتراکی بیلن اوتکزیلدی.
تدبیرده، اوزبیکستان ایلچیسی آیبیک عثماناوف چیقیش قیلیب، امیرعلیشیر نوایی و ظهیرالدین محمدبابر دنیا اینیقسه اوزبیک ادبیاتی و تمدنیگه کوپینچه حصه قوشیب اوزلریدن بیبها میراث قالدیرگنلرینی بیلدیردی.
او شوندهی دییدی: «البته همهمیز گه یخشی معلوم کی بیزنی بویوکلریمیز جملهدن امیر علیشیر نوایی، ظهیرالدین محمد بابر و بابا مشرب، اوزبیک ادبیاتیده اوزلرینی مثلسیز حصهلرینی قوشگن. بولرنی مشترک میراثی بوتون خلقلریمیزنی نهفقط اوزبیکستان و مرکزی آسیا باشقه مملکتلرینی مشترک میراثی دیر بلکیم افغانستان قوشنی پاکستان و حتا هندوستاننینگ هم عمومی میراثی بولگن.»
عثماناوف جنابلری، بلخ مرکزی مزارشریف شهرینینگ قلعه غازیان کوچهسیده اوزبیکستان دولتی و افغانستان اسلام امیرلیگی همکارلیگیده علیشیرنواینی ینگی یادگارلیگی قوریلیشینی معلوم قیلدی. او، اوشبو یادگارلیک بنیادینینگ آچیلیشی بوگون اوتکزیلهیاتگنینی بیلدیردی.
اونینگ ایتیشیچه: «بیز نوایی حضرتلریمیزنی حامیلیگی دیب قوریلگن کوپدن-کوپ مدرسهلرنی، کوپریکلرینی، انشاآتلرنی یخشی سقلنیب تورگنلرینی البته بیز قدرلهیمیز. اینیقسه بوگون بلخ مرکزیده اوزبیکستان حکومتی و اسلام امیرلیگی یاردمی بیلن مزارشریف شهریده قلعه غازیان کوچهسیده علیشیر نوایینی ینگی یادگارلیگی بنیادینینگ آچیلیش مراسمی اوتکزیلدی.»
تدبیرده چیقیش قیلگن بیلیم یورت استادی کریمالله اویغاغ گه کوره، ظهیرالدین محمدبابر، دولت آدمی بولیشی یانیده، تورک چغتای ادبی شاعرلریدن حسابلنیب و ادبیات ساحهسیده کوپینچه خذمتلر قیلگنینی بیلدیردی.
اویغاغ جنابلری شوندهی دییدی: «بابر بیر دولت آدمی بولیشی یانیده تورک چغتای ادبیاتینینگ اونیملی شاعر و ادیبلریدن بیری دیر، او سیاست و عسکری ایشلرده کورسهتگن اوستونلیکلری یانیده ادبیات اینیقسه چغتای ادبیاتیگه کوپینچه خذمت قیلگن.»
تدبیردهگی اشتراکچیلر، بو ایکی متفکرنینگ تورلی ساحهدهگی خذمتلرینی آزگینه بولسه ادا ایتیش اوچون، اسلام امیرلیگی اخبارات و مدنیت وزیرلیگیدن کابلده خلقارا تدبیر اوتکزیشنی طلب قیلدیلر.
۹ فبروری، امیر علیشیر نوایی توغیلگنینینگ ۵۸۵ ییلی و ۱۴ فبروری ییریک سرکرده ظهیرالدین محمدبابر توغیلگنینینگ ۵۴۳ ییلیگه تینگ.
