انستاگرام دنیادهگی اېنگ قیزیقووچی اجتماعی ترماقلردن بیری بولیب، اونگه هر کونی میلیونلب آدملر ویدیو و صورتلرنی جایلشتیریب، دوستلرینینگ و مشهورلرینینگ حیاتینی کوزهتیب بارهدی.
بوگونگی کونده پلتفرمهنینگ اساسی خصوصیتی نهفقط الهام، بلکه آدملرده اوزیدن قانیقمسلیک و توشکونلیک کیفیتینی اویغاتیشده کتته رول اوینهیدی. انستاگرام هر کونی ینگی صورتلر، ویدیولر، ستوریلر بیلن تولیب-تاشهدی، اما بو قندهی تأثیر قیلهدی؟ حقیقتن هم، انستاگرام روحیت گه عجایبدن کوره سلبی تأثیر کورستماقده می؟
گوزهللیک و مکمللیک طلبلری
انستاگرام و شونگه اوخشش اجتماعی ترماقلر آدملرنی اوزینی باشقهلر بیلن تقاسلش گه اوندهیدی. هر کونی صورتلر و ویدیولر آرقهلی ایدهآل قامتلر، حشمتلی اویلر، قیمت ماشینهلر و قیزیقرلی سیاحتلر اورته گه تشلنهدی. بو اوز نوبتیده، فایدهلنووچیلرنی اۉزینی باشقهلر بیلن تقاسلش گه، کوندهلیک حیاتنی اجتماعی ترماقلردهگی «بختلی حیات»لر بیلن سالیشتیریش گه آلیب کیلهدی.
روانشناسلیکده بو جریان اجتماعی تقاسلش دیب اته لهدی. انستاگرام ده جوده اوزاق وقت فایدهلنیش نتیجهسیده، کوپینچه اۉزینی پست بهالش، تشقی کورینیشیدن ناراضیلیک و «مین یېترلی اېمس من» دیگن تویغولر تاپیلهدی. بو اینیقسه یاشلر و اوسمیرلر اوچون خوفلی، چونکه اولر «مین کیممن؟» دیب سوال قویهیاتگن دورده بوندهی تقاسلشدن کوپراق ضرر کوریشلری ممکن.
انستاگرامدهگی کوپ صورتلر و ویدیولرنینگ کوپچیلیگی ایدهآل حیات گه، گوزهللیکه و مکمللیکه قرهتیلگن بولیب، اولر هر دایم هم حقیقی حیاتنی عکس اېتیرمهیدی. اگر انسان بو تصورلرنی حقیقی حیات ستندردی دیب قبول قیلسه، روحی باسیم و استرس گه یول قوییلهدی، عایلهوی نزاعلر و تورلی ساغلیق معمالری تاپیلیشی ممکن.
«لایک» و «فالور»لر باسیمی
انستاگرامده «لایک» و «فالور»لر سانی کوپینچه انساننینگ اۉزینی قدرلش میزانیگه ایلنهدی. کم لایکلر تاپیلگن پُستلر فایدهلنوچینی اۉزینی قیزیقرسیز یا که آرتیقچه حس قیلترر اېکن، بو اۉز نوبتیده کیفیتنینگ پسهیشی، توشکونلیک و خواطر گه آلیب کېلهدی. روانشناسلیک تدقیقاتلر شونگه اشاره قیلهدی که، اینیقسه یاشلر و اوسمیرلر تشقی بهالشگه کوپراق باغلنگن بولیب، اولر شونگه ماس حالده اجتماعی ترماقلر آرقهلی اۉز شخصی قدرلرینی بهالشگه باشلهیدیلر.
انستاگرامدهگی «لایک» و «فالور»لر اصلیده انساننینگ قدرینی ایدهآل حیات گه یوتوقلردن اېمس، بلکه اجتماعی ترماقدهگی رقملر آرقهلی اولچش گه آلیب کیلهدی. بو جریان هر سفر ینگی لایک و کوزهتوچیلردن دوپامین اجرهلیشگه سبب بولهدی، نتیجهده اجتماعی ترماق که باغلنگن قرهملیک کوچیهدی.
یشیرین ایجابی جهتلر هم بار
انستاگرام، شبههسیز ایجادی فکرلش، بیلیم المهشیش و تجارت یوریتیش اوچون کتته امکانیتلر یرهتهدی. کوپلب یاشلر پلتفرمهدن قوشیمچه درآمد تاپیش و ینگی دوستلر آرتیریش امکانینی تاپماقده. انستاگرامده فایدهلنوچی اۉز حیاتینی قندهی طرزده باشقریشینی اۉزی تنلهیدی.
شونینگدیک، اجتماعی ترماقلردن اونیملی فایدهلنیش انساننینگ روحی سلامتلیگینی سقلش و ېنهده ثمرهلی بولیش اوچون مهم دیر. انستاگرامنی آنگلی ایشلهتیش مهم، شو آرقهلی نهفقط بختلی بولیش، بلکه حیاتینگیزنینگ هر بیر لحظهسینی قدرلشگه ایریشیش ممکن.
