سپاه پاسداراننینگ اعلام قیلیشیچه، ینگیلیکده هرمز بوغوزیده اوچته نفت تانکرینی نشانگه آلیب و توختهتگن.
سپاهنینگ بوگون (۷-اسد، چهارشنبه)، بیر بیانیه آرقهلی یازیشیچه، مذکور نفت تانکرلری ایراننینگ آگاهلنتیریشلریگه اعتبار بیرمسلیک همده ناقانونی و تینچ بولمهگن یول گه دوام بیریش سبب، نشانگه آلینگن.
سپاه پاسداراننینگ اورغولشیچه، هرمز بوغوزیده ایران آرقهلی تعیینلنگن قانونگه اعتبار بیرمهگن هر بیر کیمه، نشانگه آلینهدی.
شونینگدیک ایران بوندن آلدین هم، هرمز بوغزیده بو مملکتنینگ بیرگن بویروغلریگه قرشی عمل قیلگن نیچه نفت تانکرینی نشانگه آلگن. دنیانینگ گاز و نفتی اوتهدیگن اینگ مهم یوللردن بولگن بو بوغوزدن کیمهلر اوتیب-قیتیشی، ۲۸-فبروری ده ایران گه قرشی امریکا و اسرائیلنینگ هجوملری باشلنگنیدن کیین، قیینچیلیکلر بیلن روپهره بولگن.
