ایران سپاه پاسداران، امریکا تهران تامانیدن تعیین ایتیلگن «قرمز چیزیغ»دن اوتسه، ایران بو هجوم گه جواباً منطقهدن تشقریگه هجوم قیلیشی حقیده آگاهلنتیردی.
فارس آژانسی، بوگون (۱۸ حمل/۷ اپریل) سپاه پاسداران گه اساسلنیب، ایران آست قوریلمهلر گه هجوم باشلاوچیسی بولمهگن و بو مملکت آست قوریلمهلریگه هجوم بولگن حالده، ایکّیلنمسدن جواب قیتریشینی بیلدیرگن.
سپاه پاسداران بیانیهسی بیر بولیمیده شوندهی کیلگن: «امریکا و شیریکلرینینگ آست قوریلمهلریگه هجوم قیلهمیز – امریکا و متحدلری ییللر بویلب منطقهنینگ نفت و گازیدن محروم بولسینلر.»
امریکا جمهور باشلیغی دونالد ترامپ، ایرته چهارشنبه بامداد پیتیگچه ایران گه هرمز بوغوزینی آچیش اوچون مهلت بیرگن، عکسحالده، امریکا ایراننینگ برق آست قوریلمهلری و کوپریکلرینی بمباردمان قیلیب و بیر تمدن بوتونلی یوق قیلینیشینی ایتگن.
