ایران مدافعه وزیری عزیز نصیرزاده، بو مملکت گه هجوم بولگن حالده، امریکانینگ قرارگاهلری نشانگه آلینیشی حقیده آگاهلنتیرگن.
نصیرزاده، ۱۴-ثور، یکشنبه کونی ایران دولتی تلویزیونی بیلن اوتکزگن صحبتیده، ایران اوروش گه تارتیلسه یا که بو مملکت نشانگه آلینسه، تهران «کوچلی» جواب قیتریشینی اېتگن.
بیزلرنینگ فیسبوک صحیفهمیزگه باش اورینگ!
اونینگ تأکیدلشیچه، ایران هېچ قندهی «چېکلاوسیز و ایکّیلنمسدن» امریکانینگ قرارگاهلرینی نشانگه آلهدی.
عینحالده، اسرائیل باش وزیری بنیامین نتانیاهو، اوتگن کون ایکس اجتماعی ترماغیده، اسرائیل حوثی شبه نظامیلرنینگ هجوملری گه جوابن، اولرنی قۉللب-قوتلهیدیگن ایراننی نشانگه آلیشینی اېتگن اېدی.
یمن حوثیلرینینگ اسرائیل گه قرشی راکته هجوملری دوام اېتماقده اېکن، اوتگن کون بو مملکت پایتختی تلآویو یقینیده «بن گوریون» هوا قونالغهسینی نشانگه آلگن.
بیزلرنینگ «ایکس» ترماغی ده هم تعقیب قیلینگ!
خلقارا یېتکرمهلر گه کوره، اوشبو هجوم طفیلی بن گوریون هوا قونالغهسیده اوچیشلر بیکار قیلینگن، برچه کېریشلر وقتینچهلیک توختهتیلگن، هوا قونالغهسی تامان یوللنگن قطارلر حرکتی کېسیلیب و بعضی اوچیشلر یوللرینی اۉزگرتیرگن.
